Áfanginn samanstendur af verklegri kennslu í fjölbreyttum íþróttagreinum s.s. hópíþróttum í sal, sundi, glímu, íshokkí, krullu, klifri á klifurvegg, golfi, bandy, badminton og skíðum/bretti. Lögð er áhersla á fjölbreytta hreyfingu og fræðslu um þætti sem íþróttamenn þurfa að hafa í huga þegar þeir stunda mismunandi íþróttir. Nemandinn fer í heimsóknir til íþróttafélaga og kynnist ýmsum greinum og prófar. Lögð verður áhersla á fjölbreytta líkamsþjálfun þar sem unnið er markvisst að því að nemandi finni hreyfingu við sitt hæfi út frá getu og áhuga.
engar
Nemandi skal hafa öðlast þekkingu og skilning á:
mikilvægi hreyfingar fyrir heilsuna
mismunandi íþróttgreinum
viðeigandi búnaði sem þarf til að stunda þessar íþróttagreinar
meginleikreglum íþróttagreinanna
grunnatriðum í leikfræði íþróttagreinanna
Nemandi skal hafa öðlast leikni í að:
iðka þær greinar sem kenndar eru
klæða sig og útbúa eftir aðstæðum og kröfum mismunandi greina
taka þátt í æfingum og leikjum í íþróttagreininni sem stuðla að jákvæðum samskiptum kynja
taka þátt í leikjum sem stuðla að samvinnu og tillitsemi
Nemandi skal geta hagnýtt þá almennu þekkingu og leikni sem hann hefur aflað sér til að:
stunda nýjar og jafnvel óhefðbundnar íþróttir
nýta sér mismunandi aðstæður til líkamsræktar og heilbrigðra lífshátta
átta sig á mikilvægi hreyfingar fyrir andlega og líkamlega líðan einstaklingsins
vinna með öðrum og vera hluti af hópi
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.