Í áfanganum læra nemendur að tengja saman vefkerfi og gagnagrunna með PHP og SQL-forritunarmálin aðallega. Einnig verður skoðað hvernig ýmis önnur forritunarmál tengjast við SQL gagnagrunna.
Markmið áfangans er að stuðla að öflugri færni þátttakenda í að geta nýtt sér þekkingu sem þeir hafa aflað í forritunarmálunum HTML, CSS, PHP og SQL til gera stærri verkefni. Lögð er áhersla á frumkvæði, ábyrgð og að nemendur temji sér almennar vinnureglur varðandi forritunarvinnu á Netinu.
Rík áhersla er lögð á að námskeiðið nýtist sem undirbúningur fyrir frekara nám eða störf. Kennslan byggist einkum á verkefnavinnu nemenda og skilum á verkefnum.
GAGN2DB03 og VFOR2PH05
Nemandi skal hafa öðlast þekkingu og skilning á:
hvernig ólík forritunarmál geta tengst og nýtt sér SQL gagnagrunna
hvernig forrit geta grætt á því að tengjast gagnagrunnum
hvernig einföld notandakerfi virka
að geta lesið forritunarkóða sem hafa verið skrifaðir af einhverjum öðrum og geta túlkað hvað er verið að framkvæma
Nemandi skal hafa öðlast leikni í að:
að blanda saman mörgum ólíkum forritunartungumálum í sama verkefninu
að tengja saman SQL gagnagrunn við ólík forritunartungumál
að vinna með gögn í SQL gagnagrunni í gegnum ólík forritunartungumál
að búa til einfalt notandaviðmót fyrir vefkerfi
að búa til einfalt notandakerfi (e. SCRUD) fyrir vefkerfi sem tengist gagnagrunni
að greina hvaða virkni kemur úr keyrslu á flóknum tilbúnum forritunarkóða án þess að keyra hann
sjálfstæðum vinnubrögðum
að nota Netið sem hjálpartæki
Nemandi skal geta hagnýtt þá almennu þekkingu og leikni sem hann hefur aflað sér til að:
búa til gagnagrunnstengt vefkerfi
birta efni úr gagnagrunnum á vefsíðu
búa til notandakerfi fyrir vefsíðu sem felur í sér að leita í gagnagrunni, setja gögn inn, breyta gögnum og eyða gögnum í gagnagrunninum (e. SCRUD)
vinna með SQL gagnagrunna í ólíkum forritunartungumálum
geta leitað á Netinu að upplýsingum um aðgerðir sem hann skilur ekki
vinna sjálfstætt að verkefnum
Þekking er metin jafnt og þétt yfir tímabilið með verkefnum unnum í tímum og heima, einnig með áfangaprófum og stóru lokaverkefni.
Leikni er metin út frá vinnubrögðum við uppsetningu, byggingu og frágang SQL-fyrirspurna, gagnagrunna og hæfni í að tengjast gagnagrunnum með öðrum forritunartungumálum.
Hæfnin er metin í verkefnavinnu og prófum út frá getu nemandans til þess að hanna og setja upp gagnagrunna, skrifa SQL fyrirspurnir og að setja upp gagnagrunnstengd vefkerfi. Einnig þurfa nemendur að geta farið yfir tilbúinn forritunarkóða og útskýrt virknina á bakvið hann.