Það kom upp villa senda inn  Áfangi

    Áfangi Nánari upplýsingar


    Búið til: 1431707416.54

    Málun
    MYNL3MN05(FB)
    16
    myndlist
    Málun
    Samþykkt af skóla
    3
    5
    FB
    Hefðbundið málverk; málað er eftir uppstillingu, lag yfir lag, gegnsæi lita skoðað. Sérstakar tækniæfingar þar sem gerðar eru tilraunir með pensiláferð, beitingu pensla og mismunandi vinnuaðferðum. Unnið er með óhefðbundin efni og málað á það. Mörk milli skúlptúrs og málverks könnuð. Ferlinu frá skissu að málverki gerð skil og unnið er í málverki þar sem hver nemandi finnur sína leið í samráði við kennarann. Áfanginn endar á málverkasýningu.
    Undanfari: SJÓN1EU05, SJÓN1LS05, MYNL1HU05, MYNL2MT05, LJÓS1SL05, MYNL2ÞV05, MYNL2FF03, LJÓS2FI05, MYNL3BM05, MYNL3TB05/MYNL3TB05, MYNL3GH05/MYNL3ÞM06 og MYNL3GH05
    Nemandi skal hafa öðlast þekkingu og skilning á:
    • hefðbundnum aðferðum málaralistarinnar eins og lag yfir lag aðferðinni
    • mismunandi beitingu pensils og mismunandi penslum og virkni þeirra
    • mismunandi tóni, blæ og ljósmagni litar
    • grunnatriðum myndbyggingar, að litur, línur og form hafa áhrif á myndbyggingu
    • að málverk er ekki „bara málverk“ heldur er hugtakið teygjanlegt
    • hugmyndaferlinu frá skissu að málverki og mismunandi aðferðum við að flytja skissu yfir í málverk
    Nemandi skal hafa öðlast leikni í að:
    • blanda liti og koma þeim í rétt samhengi í verki
    • tjá hugmyndir sínar á sjálfstæðan hátt með fjölbreytni í notkun lita og aðferða
    • mála eftir fyrirmynd
    • beita penslum með mismunandi hætti og nota óhefðbundin efni til að mála með eins og til dæmis svampa, trjágreinar og skvetta lit
    • finna óhefðbundin efni til að mála á
    • útfæra skissu í málverki
    • skoða starfandi málara á veraldarvefnum og fara á yfirstandandi sýningar
    • setja upp samsýningu á málverkum
    Nemandi skal geta hagnýtt þá almennu þekkingu og leikni sem hann hefur aflað sér til að:
    • vinna sjálfstætt að eigin hugmyndum í málverki
    • velja á gagnrýninn hátt úr myndum sínum það sem er frambærilegt
    • ræða opinskátt um þær hugmyndir sem hann er að reyna að túlka í verkum sínum
    • geta horft á málverk með gagnrýnum augum og metið það með tilliti til myndbyggingar, litavals og hugmyndafræði
    • velja úr mörgum verkum besta verkið fyrir sýningu og hengja það upp þannig að það njóti sín í samhengi við önnur verk
    Áfanginn er símatsáfangi. Ástundun í tímum, virkni, frágangur, verklag, sjálfstæði í vinnubrögðum, listrænn þroski og hugmyndaauðgi. Nemandi þarf að skila öllum verkefnum sem lögð eru fyrir til þess að standast áfangann.