Nemandinn lærir hvernig má einfalda bólskar jöfnur með hjálp Karnaugh-korta. Nemandinn kynnist samrásum og virkni þeirra. Smárásir sem skoðaðar verða eru m.a.: samlagningarrás, samanburðarrás, kóðabreytir, línuveljari, teljari og hliðrunarsérminni. Virkni lása og vipna er krufin svo og samstilltir og ósamstilltir teljarar. Lögð skal áhersla á notkun hermiforrita við prófun rásana. Þá er lögð áhersla á að nemandinn fái innsýn í forritanlega örgjörva og hvernig hægt er að forrita þá og nota t.d í skynjararásum ýmiskonar.
TNTV1TN03
Nemandi skal hafa öðlast þekkingu og skilning á:
notkun bólskrar algebru og sannleikstaflna við skilgreiningu á virkni rökrása
notkun Karnaugh-korta til einföldunar á rökrásum
virkni helstu samrása
Nemandi skal hafa öðlast leikni í að:
nota bólska-algbebru til einföldunar á rökrásum
nota Karnaugh-kort til einföldunar á rökrásum
tengja samrás í hermiforriti og prófa hana
forrita litla örgjörva
Nemandi skal geta hagnýtt þá almennu þekkingu og leikni sem hann hefur aflað sér til að:
skilja virkni helstu rökrása
nýta mælitæki við að prófa rökrásir
nýta tölvuhermiforrit til prófunar á rökrásum
forrita örgjörva eftir ákveðinni forskrift
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.