Í áfanganum læra nemendur að þekkja og greina mismunandi textílhráefni. Fjallað er um sögu textílhráefna, eiginleika, gæði, meðhöndlun, meðferð, vinnslu og notagildi. Nemendur læra um eftirmeðhöndlun efna og kynnast stöðluðum meðferðarmerkingum. Nemendur kynnast gæðum, notagildi, umhirðu og endingu fatnaðar. Sérstaklega er farið í sögu ullariðnaðar á Íslandi, eiginleika íslensku ullarinnar og gömlu íslensku handbrögðin við ullarvinnslu. Nemendur fá innsýn í og vinna með spuna þráðar, hvernig vélprjón verður til og kynnast grunnaðferðum vefnaðar. Nemendur fá grunnþjálfun í að geta greint hvaða efni, ofin og prjónuð, henta mismunandi gerðum flíka. Skoðað er hvaða atriði er mikilvægt að hafa í huga þegar hanna á textílefni. Nemendur halda verkefna- og vinnubók. Farnar eru vettvangsferðir í tengslum við námsefnið.
Engar
Nemandi skal hafa öðlast þekkingu og skilning á:
sögu ullariðnaðar á Íslandi
gömlum íslenskum handbrögðum við ullarvinnslu
gömlum íslenskum handbrögðum við ullarvinnslu
mismunandi textíltrefjum
hvernig greina má textíltrefjar
hvernig vinnslan fer fram við gerð textílþráða
þekkja alþjóðleg merki fyrir helstu textílhráefni
eiginleikum mismunandi textílhráefna
helstu eftirmeðhöndlunum efna og hvaða breytingar þær hafa á efni
alþjóðlegum meðferðarmerkingum og meðhöndlun efna
hvaða hráefni hentar best við hvert tilfelli
mismunandi aðferðum við að framleiða voðir
þekkja muninn á t.d. prjóni, vefnaði og flóka
helstu vefnaðargerðum og sérkennum þeirra
hvaða aðferð hentar best mismunandi gerðum flíka
hvernig meðhöndla á flíkur, geta lesið úr þvottaleiðbeiningum
Nemandi skal hafa öðlast leikni í að:
þekkja sögu íslensks ullariðnaðar
fjalla um íslensku ullina og séríslensk handbrögð við vinnslu hennar
þekkja muninn á mismunandi textílhráefnum
útskýra framleiðsluferli textílhráefna
lesa alþjóðlegar meðferðarmerkingar á textíl
þekkja muninn á t.d. ofnum og prjónuðum voðum
greina á milli helstu vefnaðargerða og nefna nöfn þeirra
geta valið rétt hráefni við mismunandi aðstæður
geta meðhöndlað fatnað á réttan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
geta vitnað í sögu ullariðnaðar á Íslandi
þekkja muninn á mismunandi textíltrefjum og geta greint þær
geta á faglegan hátt valið textílhráefni í það verkefni sem vinna á
geta á faglegum grundvelli valið vinnsluaðferð fyrir hvert verkefni
geta lesið sér til um hvernig meðhöndla eigi viðkomandi textílefni
Samanlagður árangur verkefna, bæði hóp- og einstaklingsverkefna,ásamt lokaprófi.