Í áfanganum auka nemendur þekkingu sína á ferðamálafræði og íslenskum ferðamálum og fara í starfsþjálfun í fyrirtæki innan ferðaþjónustunnar þar sem þeir kynnast mismunandi störfum. Eftir starfsþjálfun fer fram úrvinnsla með kennara og samnemendum. Þar kynna nemendur sinn vinnustað og segja frá reynslu sinni. Fjölbreyttar aðferðir eru notaðar til að vinna að verkefnum og nemendur nýta sér starfsþjálfun sína og annarra nemenda að átta sig á hvað vel er gert og hvað betur mætti fara.
Hafa lokið FERÐ2AA05. Einungis nemendur eldri en 18 ára geta valið þennan áfanga
Nemandi skal hafa öðlast þekkingu og skilning á:
sögu ferðaþjónustu á Íslandi
á væntingum og þörfum ferðamanna eftir uppruna
muninum á góðri og slæmri þjónustu
menntunarkröfum sem hæfa störfum í ferðaþjónustu
á eigin menningu og siðum
Nemandi skal hafa öðlast leikni í að:
afla sér upplýsinga um uppruna og siðavenjur ferðamanna
nýta sér gögn og upplýsingar í starfsþjálfun sinni
greina muninn á góðri og slæmri þjónustu
nýta styrkleika sína og bæta veikleika sína
Nemandi skal geta hagnýtt þá almennu þekkingu og leikni sem hann hefur aflað sér til að:
vinna úr gögnum og leggja á þau mat
meta eigin frammistöðu og annarra á gagnrýninn hátt
geta tekið þátt í rökræðum um málefni ferðaþjónustu á Íslandi
sýna viðeigandi framkomu í starfi, s.s. klæðaburði, kurteisisvenjum og talsmáta
uppfylla sanngjarnar kröfur ferðamanna
afla sér fjölbreyttra gagna
sýna viðeigandi framkomu í starfi, s.s. klæðaburði, kurteisisvenjum og talsmáta
Þekking er metin með verkefnaskilum og dagbók.
Leikni er metin með þátttöku í tímum , samvinnu meðal nemanda og mætingu á vinnustað. Hæfni er metin með endurgjöf starfsþjálfa og samanburði kennara á hæfni nemandans fyrir og eftir starfsþjálfun.