Í áfanganum er farið í forgangsröð aðgerða, almenn brot, bókstafareikning, jöfnur, prósentur, hnitakerfi, veldi og rætur talna. Stefnt er að því að byggja upp jákvætt viðhorf og efla sjálfstraust nemenda hvað varðar stærðfræði.
Einkunn 4,5-5,0 á grunnskólapófi
Nemandi skal hafa öðlast þekkingu og skilning á:
undirstöðuatriðum um talnameðferð
aðgerðum á heilum tölum, forgangsröð aðgerða og notkun sviga
styttingu og lengingu brota, samnefnara, samlagningu brota og margföldun brota
öllum algengum prósentureikningi
undirstöðuatriðum algebru og hvernig bókstafir eru notaðir til þess að tákna stærðir
rétthyrndu hnitakerfi í fleti og gröfum línulegra falla
veldum og rótum talna
Nemandi skal hafa öðlast leikni í að:
setja fram og rökstyðja niðurstöður sínar með skýrum hætti
nota vasareikni við lausn viðfangsefna
nota gagnvirk forrit til þjálfunar í reikningi
nota stærðfræðileg vinnubrögð
Nemandi skal geta hagnýtt þá almennu þekkingu og leikni sem hann hefur aflað sér til að:
fást við stærðfræðileg viðfangsefni dagslegs lífs
skrá lausnir sínar skipulega, skiptast á skoðunum við aðra um þær og útskýra á viðeigandi hátt
skilja merkingu og tengsl hugtaka í námsefninu og geta unnið með þau
beita skipulegum aðferðum við leit að lausnum á þrautum og geta útskýrt aðferðir sínar
greina og hagnýta upplýsingar á sviði stærðfræði sem birtast m.a. í fjölmiðlum
Lögð er áhersla á fjölbreytt námsmat. Vinna nemenda í kennslustundum er metin, lögð eru fyrir hlutapróf og verkefni. Lokapróf er í áfanganum.