Í áfanganum fá nemendur yfirsýn yfir helstu efni og efnisflokka sem notaðir eru við bygginga- og mannvirkjagerð með áherslu á rétt efnisval fyrir ákveðin verk og umhverfi. Fjallað er um tré sem smíðaefni og uppbyggingu þess, plötuefni, festingar, steinsteypu, múr og múrefni, málma og bendistál, pípulagnaefni, plastefni, málningar- og spartlefni, fúgu- og þéttiefni, lím, einangrun, gler, þakefni, klæðningarefni, gólfefni og veggfóður. Gerð er í grófum dráttum grein fyrir uppruna efnanna, flokkun þeirra, merkingum, eiginleikum og hlutverki. Kennslan fer að mestu fram með verkefnavinnu þar sem nemendur læra að afla sér upplýsinga með margvíslegu móti, s.s. af netinu, og með fyrirlestrum.
Efnisatriði/kjarnahugtök: Mótatimbur, timbur í burðavirki, smíðaviður, límtré, mjúkviður, harðviður, parket, spónaplötur, harðtex (masónít), trétex, spænisteyptar plötur (heraklid), krossviður, MDF-plötur, álplötur, málmplötur, steniplötur, plastplötur, harðpressaðar trétrefja-plötur (trespa), viðarspónn, sandpappír, vind- og þakpappi, steinsteypa, léttsteypa, múrhúð, múrblanda, sement, sandur, íblöndunarefni, v/s-hlutfall, flísar, náttúrusteinn, leirsteinn (tígulsteinn), bendistál, kambstál, slétt stál, stálvír, bendinet, múrnet, ál- og stálprófílar, ál- og stálbitar, stálrör, tengingar, eirrör, þéttihringir, plaströr, álpexrör, rör-í-rör, dósir og tengi, tengikassar, deilirör, frárennslislagnir, jarðvatnslagnir, rotþrær, brunnar, sogventlar, lokar, blöndunartæki, kranatengi, ofnar, hreinlætistæki, dælur, lím, fernis, olíumálning, plastmálning, lökk, spartlefni, fúavörn, sílan, sementsmálning, grunnur, blýmenja, bæsefni, viðarolíur, kítti og fúguefni, hampur og ull, gúmmí, dúkar, gólfplötur, korkplötur, teppaplötur, gerviteppi, ullarteppi, gólf- og flotefni, veggfóður, veggstrigi, loftaplötur, undirlagsefni, suðuþráður, steinull, glerull, einangrunarplast, korkur, rúðugler, steypt gler, þráðgler, glersteinn.
Nemandi skal hafa öðlast þekkingu og skilning á:
meðhöndlun almennra byggingarefna og notkunarsviði þeirra
flokkun byggingarefna og gæðum eftir tegundum
áhrifum tilbúinna efna á umhverfið (umhverfisáhrifum)
helstu viðartegundum og notkun þeirra í smíðavinnu
uppbyggingu og eiginleikum helstu viðartegunda
flokkun og notkun byggingatimburs hér á landi
meðferð og geymslu á timbri og trévörum
gagnvörðu timbri og notkunarsviði þess
mismunandi plötuefni sem notað er í gróf- og fínsmíði
helstu gerðum krossviðar og notkun hans í gróf- og fínvinnu
helstu gerðum spónaplatna og notkunarsviði þeirra
trétrefjaplötum og notkunarsviði þeirra
plötu- og klæðningaefnum úr plasti, málmum og gipsi
framleiðslu, uppbyggingu og notkun viðarspóns
algengustu viðarlímtegundum og notkunarsviði þeirra
steinsteypu og öðrum byggingarefnum úr steinefnum
flokkun og eiginleikum jarðefna til bygginga- og mannvirkjagerðar
samsetningu, hörðnun og flokkun steinsteypu
steypustyrktarjárni og tilgangi þess í steinsteypu
múr og múrblöndum og flokkun þeirra
milliveggjaplötum og hleðslusteini og notkunarsviði þeirra
gerð og notkun náttúrusteins og flísa á yfirborðsfleti
meðferð og notkunarsviði flotefna og þunnhúðunarefna
algengustu efnum og lagnaútfærslum í pípulögnum
helstu tegundum málmröra sem notuð eru í pípulögnum
algengustu plastefnum sem notuð eru í vatnslagnakerfi
helstu gerðum tengja og tengiaðferðum fyrir mismunandi efni
algengum tegundum loka, stjórn- og hreinlætistækja
einangrun rörlagna og rör-í-rör lagnakerfið
málningar-, þétti-, spartl- og viðgerðarefnum sem notuð eru í byggingariðnaði
samsetningu og eiginleikum málningar, lakk- og bæsefna
hlutverki, flokkun og eiginleikum þéttiefna og spartla
eiginleikum, flokkun og notkunarsviði mismunandi viðgerðarefna
merkingum og áhættuflokkum málningar-, þétti- og viðgerðarefna
gólf- og veggefnum úr plast- og textílefnum, línolíu, korki og pappír
algengustu gerðum gólfdúka og gólfflísa
uppbyggingu helstu gerða gólfteppa, kostum þeirra og göllum
samsetningu og notkunarsviði korks og korkflísa
samsetningu og eiginleikum algengra veggefna og veggfóðurs
einangrunarefnum og einangrunargleri
muninum á hita-, hljóð- og rakaeinangrun
algengustu einangrunarefnum og eiginleikum þeirra
framleiðslu og flokkun á einangrunargleri
Nemandi skal hafa öðlast leikni í að:
velja efni miðað við notkunargildi og aðstæður
lesa flokkun efna (t.d. frá framleiðendum)
velja þau efni sem við eiga og henta hverju sinni
greina hvaða efnum má blanda saman og hverjum ekki
Nemandi skal geta hagnýtt þá almennu þekkingu og leikni sem hann hefur aflað sér til að:
velja tré og annað byggingarefni fyrir mismunandi verkefni innanhúss og utan
Mælt er með því að námsmat í áfanganum verði í formi símats sem byggt er á vinnu nemandans og ástundun í áfanganum.