Í áfanganum eru kennd grunnatriði trésmíða með áherslu á þekkingu og færni í notkun handverkfæra og rafmagnshandverkfæra, trésamsetningar. Haldið er áfram umfjöllun um efnisfræði tréiðna þar sem ítarlegar er farið í ýmsa eðliseiginleika viðar, flokkun, merkingar og þurrkun. Tekið er fyrir val og umhirða á verkfærum s.s. stillingar og brýnsla. Nemendur læra að nota hefilbekki og stilla með áherslu á góða vinnuaðstöðu við mismunandi verk. Kennslan byggist að hluta á fyrirlestrum þar sem kennari útskýrir grunnatriði fyrir nemendum en stærsti hlutinn eru fjölbreytileg smíðaverkefni sem byggjast á markmiðum áfangans. Í áfanganum læra nemendur notkun lofthandverkfæra. Fjallað er um algengustu lofthandverkfæri sem notuð eru í tré- og byggingaiðnaði, meðferð þeirra og viðhald. Kynntar eru mismunandi loftpressur og farið yfir gerð og notkun helstu loftverkfæra. Kennsla í áfanganum byggir á innlögnum frá kennara þar sem hann útskýrir grunnatriði fyrir nemendum. Áfanginn er bæði kenndur á námsbrautum fyrir húsasmiði og húsgagnasmiði.
Efnisatriði/kjarnahugtök
Handverkfæri, rafmagnshandverkfæri, val og umhirða á verkfærum, stillingar, brýnsla, vinnubrögð, öryggismál, hefilbekkur, borvél, borun, handfræsari, fræsing, handpússvél, trésamsetningar, geirnegling, blindtappi, blöðun, díll, dílun, fals, fingrun, fjöður, geirungssamsetning, grunntappi, hálft-í-hálft, hnakki, hornasamsetning, málvik, negling, nót, raufarstykki, skrúfun, sporun, töppun, límingar, pússning, slípun, efnisval, efnisfræði, viðarfræði, eðliseiginleikar viðar, viðarflokkun, styrkflokkun, útlitsflokkun, ÍST DS 413, ÍST INSTA 142, ÍST EN 519, viðarmerkingar, tréþurrkun, viðarlím.
Nemandi skal hafa öðlast þekkingu og skilning á:
umgengni og notkun rafmagnshandverkfæra og öðrum handverkfærum
öryggisþáttum og viðhaldi rafmagnshandverkfæra
vinnuaðstöðu og vinnumhverfi
algengasta smíðavið og smíðisfestingum
helstu eðliseiginleikum viðar og þurrkun timburs
flokkun og merkingum timburs eftir styrk og útliti
smíðisfestingum sem notaðar eru í trésmíði
meðferð, notkunarsviðum og virkni einstakra handverkfæra
uppbyggingu og notkun helstu rafmagnshandverkfæra
áhöldum til mælinga og uppmerkinga
mismunandi gerðum hverfisteina, smergela og brýna
öryggisreglum einstakra hand- og rafmagnshandverkfæra
einstökum samsetningum og notkunarsviði þeirra
þvingum og vinnuaðferðum við samsetningar í trésmíði
algengustu gerðum og notkunarsviðum viðarlíms
nöglum og skrúfum og notkun þeirra í trésmíði
öryggisreglum fyrir meðferð og notkun einstakra límtegunda
helstu lofthandverkfærum sem notuð eru í trésmíði
öryggisreglum og öryggisbúnaði við notkun loftverkfæra
uppbyggingu og notkunarsviðum helstu lofthandverkfæra
stillingum og fyrirbyggjandi viðhaldi lofthandverkfæra
virkni og fyrirbyggjandi viðhaldi á mismunandi loftpressum
Nemandi skal hafa öðlast leikni í að:
nota áhöld til mælinga og uppmerkinga
nota mismunandi tegundir verkfæra
nota algengustu hand- og rafmagnshandverkfæri
leggja á og brýna algengustu handverkfæri
nota helstu trésamsetningar við einfalda trésmíði
lesa merkingar og flokka efni með tilliti til útlits og styrks
Nemandi skal geta hagnýtt þá almennu þekkingu og leikni sem hann hefur aflað sér til að:
aðlaga sig að mismunandi vinnuumhverfi
velja smíðavið fyrir einstök verkefni og rökstyðja valið
flokka timbur með hliðsjón af leiðbeiningum
beita vinnuskipulagi í trésmíði og fylgja aðgerðalista við vinnu
ganga úr skugga um gæði smíðishluta fyrir samsetningu
nota þvingur markvisst til að fá smíðishlut réttan í límingu
mæla og taka úr fyrir smíðisfestingum og setja endanlega upp
velja rétt lofthandverkfæri með hliðsjón af verkefni
Mælt er með því að námsmat byggist á verkefnavinnu (u.þ.b. 80%) og einu eða fleiri skriflegum prófum (20%).
Mælt er með því að lokamat byggist á verkefnavinnu (u.þ.b. 60%) og einu eða fleiri skriflegum könnunarprófum (40%) þar sem sérstök áhersla er lögð á að nemendur hafi tileinkað sér öryggisþætti í notkun trésmíðavéla.