Þessi áfangi miðast við C1 í sjálfsmatsramma Evrópsku tungumálamöppunnar.Í þessum áfanga er lögð áhersla á að kynna fyrir nemendum helstu stefnur í dönskum bókmenntum. Einnig er lögð áhersla á grunnhugtök í bókmenntagreiningu, að nemendur þjálfist í að lesa á milli línanna og beiti gagnrýnni hugsun til að túlka texta og þekkja mismunandi stílbrögð. Flestir danskir háskólar gera kröfu um C1 sem skilyrði fyrir inngöngu.
Nemandi skal hafa öðlast þekkingu og skilning á:
menningu og siðum Dana, straumum og stefnum í dönskum stjórnmálum
dönskum bókmenntum og geti dregið bókmenntasögulegar línur
sameiginlegum uppruna dönsku og íslensku
mismunandi hefðum í mæltu og rituðu máli
orðaforða sem er nægilega víðtækur til að gagnast honum í frekara námi
Nemandi skal hafa öðlast leikni í að:
skilja almennt talað mál, jafnvel þar sem frásögnin er ekki sett skipulega fram
skilja sérhæfða texta sem fjalla um efni sem hann þekkir
skilja lengri málflutning jafnvel þó að hann sé óskipulagður
taka þátt í óundirbúnum samræðum og bregðast við í samræmi við danska siði og venjur
taka þátt í umræðum um margvísleg málefni bæði persónulegs og almenns eðlis
skilja flókna og sértæka texta sem gera miklar kröfur til lesandans
skrifa stutta en vel uppbyggða ritgerð
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér fyrirlestra, umræður og rökræður um efni sem hann hefur þekkingu á
lesa sér til gagns þrátt fyrir að fjallað sé um fræðilegt eða tæknilegt efni
geta lagt gagnrýnið mat á texta og aðrar upplýsingar
beita rithefðum sem hæfa hæfniþrepinu þ.m.t. að færa rök fyrir máli sínu, nota heimildir og byggja upp lengri og styttri texta sem og notkun myndmáls
tjá tilfinningar sínar
flytja vel uppbyggða kynningu og bregðast við spurningum um hana
skilja sjónvarpsþætti og kvikmyndir án mikilla erfiðleika
beita þeim stíl sem hentar þeim viðtakanda sem hafður er í huga
• Þekking er metin með lengri og styttri skriflegum verkefnum.
• Leikni og hæfni er metin út frá getu nemandans til að tjá sig og bregðast við ílagi (lesnu og í hljóðformi) munnlega og skriflega.