Í áfanganum kynnast nemendur grunnatriðum kvikmyndagerðar í gegnum stuttmynda-og/eða heimildamyndaformið. Farið er í mismunandi uppbyggingu kvikmynda eftir eðli þeirra og tegund. Nemendur læra meginatriði myndbandagerðar, gerð tökuáætlunar, undirbúning á upptökustað og grunnatriði í beitingu kvikmyndatökuvéla og klippiforrita.
Nemandi skal hafa öðlast þekkingu og skilning á:
grundvallaratriðum kvikmyndatöku
grundvallaratriðum klippingar
mismunandi stílum og afurðum í kvikmyndagerð
Nemandi skal hafa öðlast leikni í að:
meðhöndla myndbandsupptökuvél
vinna sjálfstætt með klippiforrit, t.d. Final Cut
Nemandi skal geta hagnýtt þá almennu þekkingu og leikni sem hann hefur aflað sér til að:
vinna úr hugmyndum og beita aðferðum kvikmyndarinnar til tjáningar
nýta sér nýja tækni og þróa sína persónulegu sýn til skapandi kvikmyndagerðar
beita gagnrýnni hugsun á öllum vinnslustigum kvikmyndagerðar
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni og stutt próf eftir atvikum. Lokaverkefni er metið.