Í áfanganum lærir nemandinn að umgangast gashylki, logsuðu- og logskurðartæki. Hann lærir að fylgja suðulýsingu, logsjóða plötujárn í suðustöðum PA, PC og PF með I-rauf. Nemandinn fær þjálfun í að lóða og logskera fríhendis og bregðast rétt við ef hættu ber að höndum. Farið er yfir brunahættu vegna loga og neistaflugs, sprengihættu vegna áhrifa acetýlens á eir og áhrifa súrefnis á olíu og feiti og vegna íláta sem innihalda eða hafa innihaldið eldfim efni. Farið er í undirstöðuatriði heilsuverndar, hlífðarfatnað og hlífar.
engar
Nemandi skal hafa öðlast þekkingu og skilning á:
mikilvægi hlífðarfatnaðar og hlífa ásamt heilsuvernd á vinnusvæði
gashylkjum, meðferð þeirra við geymslu og flutning, litamerkingum og frágangi topploka
notkunarsviði acetýlens og súrefnis
suðuloga, blöndu hans og hitastigi
áhrifum kolandi loga, súrefnisríks og hlutlauss loga á suðupollinn
gerðum og samsetningu raufa og áhrifum þeirra á spennu
ástæðum þess að ekki sé hægt að logskera alla málma
virkni lóða og lóðdufts
staðlinum ÍST EN 287-1 um hæfnispróf
staðlinum ÍST EN 5 817 um mat á suðum og suðugalla
Nemandi skal hafa öðlast leikni í að:
nota suðulóð og lóðduft
setja upp mæla á hylki, slöngur og sköft
sjóða 1 – 3 mm plötustál með I-rauf í PA, PF og PC
stilla réttan vinnuþrýsting
logskera stál fríhendis
sjóða stúfsuðu í plötu í stöðum PA, PC, og PF
nota hlífðarfatnað og öryggisbúnað
Nemandi skal geta hagnýtt þá almennu þekkingu og leikni sem hann hefur aflað sér til að:
velja hlífðarbúnað og hlífar í samræmi við aðstæður
stilla suðutæki í samræmi við notkun
velja réttan vinnuþrýsting
velja suðuspíssa samkvæmt efnisþykkt
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.