Í áfanganum er áherslan á bókmenntir og gefandi lestarrupplifun. Nemendur kynnast bæði íslenskum og erlendum skáldverkum. Þeir lesa valdar bókmenntir og skoða þær í samhengi við sig sjálfa sem og víxlverkun þeirra við samfélag og samtíma. Mikil áhersla er lögð á sjálfstæð vinnubrögð nemenda og sjálfsábyrgð. Sömuleiðis er lögð áhersla á að nemendur þjálfist í að mynda sér skoðun og tjá hana ásamt lestrarreynslu sinni.
Nemandi skal vera kominn á 3. þrep í íslensku
Nemandi skal hafa öðlast þekkingu og skilning á:
hugtökum sem notuð eru við greiningu bókmennta
formlegum og hugmyndalegum einkennum valinna skáldverka
mikilvægi lestrar og mögulegri endurspeglun skáldverka við samfélag og samtíma
Nemandi skal hafa öðlast leikni í að:
beita hugtökum bókmenntafræðinnar til greiningar á skáldsögum
túlka og njóta bókmennta
viðra eigin hugmyndir um bókmenntir og setja þær fram munnlega og skriflega
Nemandi skal geta hagnýtt þá almennu þekkingu og leikni sem hann hefur aflað sér til að:
beita gagnrýninni hugsun og setja fram skoðanir sínar um bókmenntir
njóta bókmennta og setja í samhengi við samfélag sitt, einstakling og samtíma
dýpka lesskilning sinn og átta sig á mikilvægi bókmenntalestur
Í áfanganum er símat sem byggir á leiðsagnarmati. Vinna nemenda er metin bæði munnlega og skriflega sem og virkni og þátttaka í umræðum. Nemendur hitta kennara jafnt og þétt yfir önnina, m.a. í einkaviðtölum, og halda lestrardagbók.