Grunnþættir: Læsi, sköpun, lýðræði og mannréttindi.
Í þessum áfanga er meginviðfangsefnið bókmenntir og þróun þeirra. Nemendur kynnast völdum verkum og hugarheimi fyrri tíma með tengingu við nútímann. Nemendur lesa fornan og nýjan kveðskap, Íslendingasögur, nútímaskáldsögur, dagblaða - og tímaritsgreinar og horfa á sjónvarpsefni sér til gagns. Lögð er áhersla á heilræði og siðferðisboðskap. Nemendur fá þjálfun í ýmiss konar ritun m.a. ritgerðarsmíð, dagbókarskrifum, þýðingum, ljóða - og smásagnagerð. Nemendur fá tækifæri til að tjá sig um viðfangsefni áfangans, bæði í ræðu og riti. Nemendur æfast í tjáningu með því að flytja eigin texta og annarra, endursegja efni og halda kynningar. Einnig þjálfast nemendur í fjölbreyttri málnotkun.
Frumkvæði, ábyrgð og sjálfstæð vinnubrögð eru höfð að leiðarljósi.
ÍSLE2AL05 -
ÍSLE2GO05
Nemandi skal hafa öðlast þekkingu og skilning á:
ritgerðasmíð, heimildavinnu og reglum um frágang texta
helstu einkennum íslensks máls sem nýtast í ræðu og riti
orðaforða í bókmenntum að fornu og nýju
mismunandi tegundum bókmennta, nytjatexta og málsniði, stefnum í íslenskum bókmenntum og helstu bókmenntahugtökum
Nemandi skal hafa öðlast leikni í að:
skrifa heimildaritgerð
ganga frá ritsmíðum skv. viðteknum venjum
nýta sér texta á gagnrýninn hátt
nota viðeigandi hjálpargögn við frágang ritsmíða
flytja af öryggi vel byggða ræðu eða kynningu
lesa forna og nýja texta sér til gagns og gamans
beita skýru og blæbrigðaríku og viðeigandi máli í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa skýran, vel uppbyggðan texta og geta valið sér ritstíl við hæfi
beita málinu á viðeigandi hátt í ræðu og riti við mismunandi aðstæður
geta komið skoðun sinni á framfæri í góðum texta á skilmerkilegan hátt
draga saman aðalatriði og beita gagnrýninni hugsun við lestur og úrvinnslu texta og átta sig á samfélagslegum skírskotunum
sýna þroskaða siðferðisvitund, víðsýni, sköpunarhæfni og samlíðan