Áfanginn er bóklegur og verklegur með það að markmiði að nemandinn læri að kenna börnum og unglingum undirstöðuatriði í blaki og bandý. Áhersla er á tæknikennslu og kennslu í leikfræði og reglum. Einnig er lögð áhersla á að nemandi geti borið ábyrgð á hópi barna og ástundað sjálfstæð vinnubrögð við þjálfun. Stefnt er að því að nemendur öðlist ákveðna grunnfærni í greininni og lögð er áhersla á mikilvægi þess að leikurinn sé kenndur á leikrænan og skemmtilegan hátt.
ÍÞRF2ÞJ05
Nemandi skal hafa öðlast þekkingu og skilning á:
leikreglum í blaki og bandý
hvernig á að leiðbeina börnum í blaki og bandý
kennslu tækniæfinga í blaki og bandý
skipulagningu blak- og bandýþjálfunar
fjölbreyttum leik- og tækniæfingum í blaki og bandý.
Nemandi skal hafa öðlast leikni í að:
• leiðbeina byrjendum í blaki og bandý
hvernig á að leiðbeina börnum í blaki og bandý
nota blak og bandý sem skólaíþróttir
spila blak og bandý
leiðbeina og bera ábyrgð á hópi.
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja íþróttatíma í blaki og bandý
stjórna og borið ábyrgð á hópi af börnum
átta sig á ólíkri getu einstaklinga í hópi
ástunda sjálfstæð vinnubrögð við þjálfun barna.
Í áfanganum er viðhaft leiðsagnarmat með símati alla önnina. Öll verkefni gilda til einkunnar. Nemendur þurfa að uppfylla skilyrði um mætingu og virkni í tímum. Áfanginn er metinn út frá verkefnaskilum, mætingu, virkni, færni og áhuga.