Í áfanganum gefst nemandanum kostur á að kynnast þeim verknámsmöguleikum sem eru í boði hverju sinni í skólanum. Nemandinn fæst við fjölbreytt verkefni og kynnist vinnubrögðum sem nýtast honum í daglegu lífi s.s. líkamsbeitingu. Að auki kynnist hann starfsgreinum og atvinnumöguleikum sem bjóðast að loknu starfsnámi í framhaldsskóla. Nemandinn fer á milli verklegra deilda í skólanum og tekst á við margvísleg verkefni tengd hverri faggrein fyrir sig. Mikið er lagt upp úr öryggi á vinnustöðum og umgengni. Leitast er við að nemandinn finni styrkleika sína og öðlist sjálfstraust til að sinna ólíkum verkefnum og finni áhugasvið sitt í gegnum fjölbreytt nám.
engar
Nemandi skal hafa öðlast þekkingu og skilning á:
námsleiðum innan VMA og þeim möguleikum sem standa til boða í verk- og/eða starfsnámi
helstu hugtökum og viðfangsefnum hinna ýmsu verk- og starfsgreina
grunnatriðum sem snúa að öryggi á vinnustað
atvinnumöguleikum að loknu verk- og/eða starfsnámi
réttum vinnustellingum
Nemandi skal hafa öðlast leikni í að:
beita ýmsum verkfærum við vinnu í ólíkum verklegum greinum
beita líkamanum rétt við mismunandi aðstæður
bera virðingu fyrir sjálfum sér og öðrum í því vinnuumhverfi sem hann er staddur í hverju sinni
greina styrkleika sína og tengja áhugasvið sitt við nám
setja sig í spor annarra, sýna umburðarlyndi og samhygð
Nemandi skal geta hagnýtt þá almennu þekkingu og leikni sem hann hefur aflað sér til að:
stunda árangursríkt nám á framhaldskólastigi og taka ábyrgð á eigin námi
taka afstöðu til áframhaldandi náms við skólann, verklegs eða bóklegs
vera ábyrgur og ganga vel um vinnustaðinn m.t.t. öryggis og frágangs
bæta eigin vinnubrögð og samstarf við aðra
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.