Í áfanganum fær nemandinn yfirsýn yfir helstu efni og efnisflokka sem notaðir eru við bygginga- og mannvirkjagerð ásamt leiðsögn við rétt efnisval eftir verkefnum, aðstæðum og umhverfi. Fjallað er um tré sem smíðaefni og uppbyggingu þess, plötuefni, festingar, steinsteypu, múr og múrefni, málma og bendistál, pípulagnaefni, plastefni, málningar- og spartlefni, fúgu- og þéttiefni, lím, einangrun, gler, þakefni, klæðningarefni, gólfefni og veggfóður. Gerð er grein fyrir uppruna efnanna, flokkun þeirra, merkingum, eiginleikum og hlutverki. Nemandinn kynnist viðfangsefnum og fagsviði húsasmiða, húsgagnasmiða, málara, múrara, pípulagningarmanna og dúklagningarmanna. Fjallað er um notkun helstu véla og verkfæra sem algengust eru í iðngreinum og farið yfir öryggismál.
engar
Nemandi skal hafa öðlast þekkingu og skilning á:
byggingaefnum og notkunarsviði þeirra
flokkun byggingaefna og gæðum eftir tegundum
sérstöðu og skörun verkþátta milli einstakra faggreina
algengustu faghugtökum sem notuð eru innan hverrar fagstéttar
mikilvægi fagmennsku og góðs handverks innan atvinnugreinanna
mikilvægi samstarfs á milli fagstétta
mikilvægi öryggismála
Nemandi skal hafa öðlast leikni í að:
velja efni miðað við notkunargildi og aðstæður
lesa flokkun efna (t.d. frá framleiðundum)
greina hvaða efni má nota saman og hver ekki
meðhöndla byggingaefni
Nemandi skal geta hagnýtt þá almennu þekkingu og leikni sem hann hefur aflað sér til að:
velja byggingaefni til notkunar fyrir mismunandi verkefni innanhúss og utan
nýta faghugtök í samræðu
afla sér frekari þekkingar um viðfangsefni áfangans
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.