Markmið áfangans er að stuðla enn frekar að aukinni færni nemenda í teikningu. Nemendur eru hvattir til að kanna hvernig nýta má teikninguna til tjáningar og sem miðil fyrir rannsóknir og hugmyndir. Nemendur kynnast ólíkum tegundum af pappír og gera margvíslegar tilraunir með myndbyggingu, áherslupunkta, áferð, skyggingu og línu. Unnið er með teikningu í rými og rík áhersla er lögð á svigrúm til persónulegrar úrvinnslu. Nemendur rýna í og fjalla um eigin verkefni og félaga sinna, sem og umhverfi sitt. Verk eftir ýmsa listamenn eru greind og rædd á grunni myndbyggingar. Ennfremur kynnast nemendum ýmsum störfum í atvinnulífinu sem krefjast leikni í teikningu.
TEIK2MG03
Nemandi skal hafa öðlast þekkingu og skilning á:
teikningunni sem verkfæri til rannsókna og sem miðli í mjög víðum skilningi
mismunandi eiginleikum pappírs og teikniáhalda
margvíslegu gildi teiknikunnáttu fyrir þátttöku í atvinnulífinu
Nemandi skal hafa öðlast leikni í að:
nota teikninguna sem verkfæri tilrauna og rannsókna á margvíslegum viðfangsefnum
vinna með fjölbreytt teikniáhöld og ólíkan pappír
nota skissubók sem leið til að skrásetja ferli frá hugmynd til niðurstöðu
Nemandi skal geta hagnýtt þá almennu þekkingu og leikni sem hann hefur aflað sér til að:
vinna sjálfstætt að verki sínu allt frá hugmynd að lokaafurð
gera persónulegar rannsóknir á viðfangsefni sínu og koma niðurstöðunum á framfæri í fullgerðu verki
fjalla um eigið verk og annarra og tengja það við verk úr lista- og hönnunarsögunni með greinandi hætti