Markmið áfangans er að nemendur kynnist eiginleikum og virkni lita. Unnið er með grunnlitina þrjá, svart og hvítt. Nemendur vinna margvísleg verkefni undir leiðsögn kennara, blanda liti, kanna ljósmagn, litatóna, vægi og innbyrðis áhrif og virkni lita í umhverfi. Þá rannsaka nemendur andstæður og samstæður og þátt litarins í myndbyggingu og fjarvídd.
Nemandi skal hafa öðlast þekkingu og skilning á:
litahringnum út frá þremur frumlitum
ljósmagni lita, grátónaskala og litatónum
eiginleikum lita, heitra og kaldra, andstæðra og samstæðra og áhrifum lita á myndbyggingu og fjarvídd
helstu kenningum um eðli lita, hvernig litir verða til og hvernig við skynjum þá
Nemandi skal hafa öðlast leikni í að:
blanda liti og vinna markvisst með litatóna og ljósmagn lita
beita markvissri litanotkun í myndbyggingu
vinna með grátónaskala
skapa fjarvídd með litum
Nemandi skal geta hagnýtt þá almennu þekkingu og leikni sem hann hefur aflað sér til að:
blanda liti og nota á markvissan hátt við gerð persónulegra myndverka
koma auga á þætti í myndlistar- og hönnunarverkum sem mótast sérstaklega af litanotkun
greina samhengi milli viðfangsefnis og litanotkun í lista- og hönnunarverki