Í áfanganum gefst nemandanum kostur á að kynnast list- eða verknámi sem hann hefur áhuga á. Nemandinn velur sér faggrein úr því list- eða verknámi sem er í boði í skólanum hverju sinni og sinnir því undir handleiðslu faggreinakennara. Lögð er áhersla á að efla námsvitund nemandans, að hann finni styrkleika sína, öðlist sjálfstraust til að sinna ólíkum verkefnum og finni áhugasvið sitt í gegnum fjölbreytt nám.
engar
Nemandi skal hafa öðlast þekkingu og skilning á:
sjálfsmynd sinni og hvernig hann getur best nýtt sína hæfileika
eigin hæfni, styrkleikum og áhugasviði
mikilvægi markmiðasetningar
Nemandi skal hafa öðlast leikni í að:
bera virðingu fyrir sjálfum sér og öðrum í því vinnuumhverfi sem hann er staddur í hverju sinni
greina styrkleika sína og tengja áhugasvið sitt við nám
setja sig í spor annarra, sýna umburðarlyndi og samhygð
beita árangursríkum námsaðferðum og setja sér raunhæf markmið
setja sér raunhæf markmið
beita skipulögðum vinnubrögðum í námi
beita lýðræðislegum vinnubrögðum í samvinnu við aðra
Nemandi skal geta hagnýtt þá almennu þekkingu og leikni sem hann hefur aflað sér til að:
stunda árangursríkt nám á framhaldskólastigi og taka ábyrgð á eigin námi
taka afstöðu til áframhaldandi náms við skólann
bæta eigin vinnubrögð og samstarf við aðra
sýna frumkvæði í að rækta sköpunargáfu sína og aðlögunarhæfni í verkefnum innan og utan skóla
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.