Í áfanganum er áhersla lögð á sjálfstæða vinnu nemandans undir handleiðslu kennara.
Gerð er grein fyrir notkun acteylen-gass og súrefnis til málmsuðu og logskurðar, einnig annarra gastegunda sem notaðar eru til logskurðar. Mismunandi hlutar logsuðutækja og notkunarsvið þeirra yfirfarnir. Verklegar æfingar gerðar með lárétta og lóðrétta logsuðu á plötum og logskurð. Unnið með lóðun á kopar og einnig silfurslaglóði.
Gerðir rafsuðuvéla kynntar, svo og eiginleikar þeirra og notkunarsvið. Helstu tegundir rafsuðuþráða kynntar. Gerðar verklegar æfingar í láréttri og lóðréttri rafsuðu. Farið rækilega í öryggisþætti varðandi rafsuðu og logsuðu.
Nemandi skal hafa öðlast þekkingu og skilning á:
þekkja notkunarsvið og takmarkanir málmsuðutækja
mikilvægi nákvæmni og skipulegra vinnubragða
nauðsyn þess að vinna af öryggi
meðferð og notkun algengustu efna og áhalda við málmsuðu
Nemandi skal hafa öðlast leikni í að:
að vinna sjálfstætt að undirbúningi og útfærslu verkefnis og geta lýst því
gera vinnuáætlun og vinna samkvæmt henni
ræða á gagnrýninn og uppbyggilegan hátt um verkefni
vinna af öryggi með algengustu efnum og áhöldum
ganga á viðeigandi hátt um búnað og áhöld og deila vinnuaðstöðu með öðrum
Nemandi skal geta hagnýtt þá almennu þekkingu og leikni sem hann hefur aflað sér til að:
sýna frumkvæði og útsjónarsemi
þróa verkhugmyndir sínar á meðvitaðan hátt, fjalla um þær og framkvæma þær
móta og þróa viðfangsefni og læra þannig betur að þekkja sjálfan sig og takmörk sín
ræða um og gagnrýna á uppbyggilegan hátt verkefni sín og samnemendanna
vinna á skipulegan, öruggan og agaðan hátt
Fjölbreytilegt námsmat með áherslu á símat, jafningjamat og leiðsögn. Nemendur skoða, skilgreina og gagnrýna verkefni hver annars og ekki síst sín eigin. Ekkert lokapróf er í áfanganum en nemendur vinna að lokaverkefni og opna sýningu á verkum sínum í lok annarinnar.