Fjallað er um töluleg gögn og myndræna framsetningu á þeim. Farið er í undirstöðuhugtök úr lýsandi tölfræði, talningafræði, mengjafræði, líkindareikningi og einföld tölfræðileg próf. Við lausn verkefna eru notuð tölvuforrit.
Engar
Nemandi skal hafa öðlast þekkingu og skilning á:
undirstöðuhugtökum úr lýsandi tölfræði, s.s. miðsækni, tíðni og dreifingu.
undirstöðuatriðum í mengjafræði og einföldum mengjareikningi
helstu reglum talningafræðinnar
tvíliðustuðlum og Pascalsþríhyrningnum
líkindum og líkindadreifingu ásamt einföldum reglum sem gilda í líkindareikningi.
fylgni.
Nemandi skal hafa öðlast leikni í að:
skrá lausnir sínar skipulega
nota mengi og Vennmyndir til að leysa verkefni
leysa talningafræðileg vandamál
nota fjölbreytt vinnubrögð við flokkun og vinnslu tölfræðilegra gagna
finna fylgni og gera einfalda spá
nota forrit til að leysa ýmis tölfræðileg viðfangsefni
Nemandi skal geta hagnýtt þá almennu þekkingu og leikni sem hann hefur aflað sér til að:
skiptast á skoðunum við aðra
útskýra hugmyndir sínar og verk skilmerkilega á viðeigandi hátt
beita ólíkum aðferðum við framsetningu tölfræðilegra viðfangsefna.
útskýra merkingu og tengsl hugtaka í námsefninu og vinna með þau
vinna með röksemdir og röksamhengi í mæltu máli og texta.