Í áfanganum undirbúa nemendur nokkurra daga Berlínarferð. Þeir vinna verkefni um merkisstaði í borginni, lesa texta, horfa á myndefni og vinna verkefni tengd Berlín fyrir ferðina, í ferðinni og eftir að heim er komið. Hluti af vinnunni fyrir ferðina felst í upprifjun á orðaforða og málnotkun með áherslu á dagleg samskipti. Gerðar eru strangar kröfur um mætingu og verkefnaskil. Í ferðinni eru heimsótt söfn og ýmsir af þekktustu stöðum borgarinnar undir leiðsögn kennara og/eða leiðsögumanns. Nemendur áfangans greiða allan kostnað við ferðina.
ÞÝSK1ÞC05
Nemandi skal hafa öðlast þekkingu og skilning á:
staðháttum, mannlífi og menningu í Berlín
ólíkum textagerðum, s.s. blaðagreinum, textum á netinu, kvikmyndum og hlustunarefni
þeim orðaforða sem nauðsynlegur er til að mæta markmiðum áfangans
notkun þýsku til að mæta markmiðum áfangans bæði munnlega og skriflega
Nemandi skal hafa öðlast leikni í að:
afla sér hagnýtra upplýsinga, taka þátt í samræðum og skilja talað mál í algengum raunverulegum aðstæðum í daglegu lífi
lesa margs konar gerðir texta og vinna úr þeim á mismunandi hátt eftir því hver tilgangur með lestrinum er hverju sinni
segja frá á skýran hátt í nútíð og liðinni tíð og halda stuttar kynningar á undirbúnu efni með því að beita framburði og málnotkun á sem réttastan hátt
skrifa samfelldan texta, t.d. gera samantekt um tiltekið viðfangsefni og tjá sig um eigin upplifun og skoðanir
nota upplýsingatækni og hjálpargögn, svo sem orðabækur, við upplýsingaöflun og ritun texta
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla á nokkuð ítarlegan hátt, munnlega og skriflega, um efni sem hann hefur kynnt sér og tjá eigin skoðanir og persónulega reynslu
tjá sig á þýsku við ýmsar aðstæður í almennum samskiptum og leysa úr málum sem upp geta komið
tileinka sér aðalatriðin í samtölum og frásögnum
tileinka sér efni mismunandi texta
geta metið eigið vinnuframlag og annarra
tileinka sér jákvætt viðhorf til Þýskalands og þýskunnar og hafa trú á eigin kunnáttu í faginu.
Áfanginn er símatsáfangi og byggir matið m.a. á skriflegum og munnlegum verkefnum, munnlegu prófi, mætingu og ástundun í kennslustundum og virkni og hegðun í Berlínarferðinni.