Það kom upp villa senda inn  Áfangi

    Áfangi Nánari upplýsingar


    Búið til: 1434970950.28

    Sýklar, tegundir og sérkenni
    SÝKL2SS05(AV)
    2
    Sýklafræði
    smitgát, smitsjúkdómar, sýklar
    Samþykkt af skóla
    2
    5
    AV
    Í áfanganum er fjallað um mismunandi tegundir og sérkenni sýkla. Fjallað er um byggingu sýkla, umhverfisþætti sem móta útbreiðslu sýkla, smitleiðir, helstu flokka smitsjúkdóma ásamt sýklalyfjum. Farið er í grundvallaratriði í sértækum og almennum vörnum líkamans gegn sýklum og fjallað um hlutverk ónæmiskerfisins. Fjallað er um smitgát og reglugerðir um smitvarnir. Farið er í grunnþjálfun við meðferð og ræktun sýkla í tilraunastofu og skýrslugerð.
    SJÚK2MS05, HBFR1HH05
    Nemandi skal hafa öðlast þekkingu og skilning á:
    • sögu og þróun sýklafræðinnar
    • mismunandi tegundum sýkla og sérkennum þeirra
    • helstu flokkum smitsjúkdóma
    • mismunandi aðferðum við ræktun og greiningu sýkla
    • helstu flokkum sýklalyfja, sérhæfðra og ósérhæfðra og verkun þeirra
    • aðferðum við dauð- og sótthreinsun og takmörkunum þeirra
    • helstu flokkum sýklalyfja, sérhæfðra og ósérhæfðra og verkun þeirra
    • grundvallaratriðum í hlutverki ónæmiskerfisins og helstu afleiðingum ónæmisröskunar
    • mismunandi tegundum bóluefna og verkun þeirra
    • almennum reglum og vinnubrögðum um smitgát, smitvarnir og mikilvægi handþvottar.
    Nemandi skal hafa öðlast leikni í að:
    • nota algeng fræðileg hugtök sem tengjast efni áfangans
    • tengja mismunandi umhverfisaðstæður við útbreiðslu smitsjúkdóma
    • þvo sér um hendur á réttan hátt
    • skrifa skýrslur
    Nemandi skal geta hagnýtt þá almennu þekkingu og leikni sem hann hefur aflað sér til að:
    • útskýra löskunaráhrif sýkla á mannslíkama
    • útskýra mismunandi smithæfni sýkla
    • útskýra smitgát og varnir í tengslum við smitsjúkdóma
    • forgangsraða og nýta þekkingu sína í sýklafræði í sérhæfðu starfi
    • miðla þekkingu um sýkla í leik og starfi á fjölbreyttan og jákvæðan hátt
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.