Vinnustaðanám fer fram í eldhúsi heilbrigðisstofnana eða stóreldhúsum með starfsleyfi.
Nemandi fylgir leiðbeinanda við öll almenn störf matartækna. Í upphafi tímabils setur nemendi sér fagleg markmið í vinnustaðanáminu. Kennari, leiðbeinandi og yfirmaður bera sameiginlega ábyrgð á vinnustaðanáminu.
Í áfanganum er farið í mikilvægi undirbúnings, vinnslu og verklagsreglur á vinnustað.
Farið er í matreiðslu á almennu fæði og helstu gerðir af sérfæði samkvæmt viðurkenndum gátlista heilbrigðisstofnana.
Unnið er eftir gæðastöðlum vinnustaðarins.
VÞVS1SF10
Nemandi skal hafa öðlast þekkingu og skilning á:
vinnuskipulagi fyrir eigin vinnu og mikilvægi vinnuskipulags á vinnustað
undirbúningi og grunnmatreiðslu
matreiðslu heitra aðal– og eftirrétta
matreiðslu sérfæðis, s.s. fæðis með breyttri áferð M1-M3
skömmtun á mat og að fara eftir skammtstærðum staðarins
vinnu við frágang og þrif á vinnustað
kröfum um hitastig við móttöku, meðhöndlun matvara og viðbrögð við frávikum
áhættuþáttum við matreiðslu og framreiðslu matvæla
mikilvægum ferlum við útsendan mat og gæðastaðla um innra eftirlit: HACCP
Nemandi skal hafa öðlast leikni í að:
undirbúa vinnuskipulag – verklýsingar
matreiða allt almennt fæði
matreiða fæði með breyttri áferð M1 – M3
skammta mat samkvæmt skömmtunarformi vinnustaðar
vinna eftir gæðastöðlum vinnustaðar
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra vinnuferla sem byggja á aðferðafræði er lýtur að matreiðslu almenns fæðis
skipulaggja verkferla og verkefnalista og vinna eftir þeim
meta störf sín og annarra í matreiðslu á hlutlægan hátt