Það kom upp villa senda inn  Áfangi

    Áfangi Nánari upplýsingar


    Búið til: 1435677521.99

    Nýnemafræðsla
    NÝNE1NÝ01
    2
    Nýnemafræðsla
    Nýnemafræðsla
    Samþykkt af skóla
    1
    1
    Áfanginn er ætlaður nýnemum. Nemendur læra á húsnæði skólans, tölvukerfi, bókasafn o.fl. Markmið áfangans er að vekja nemendur til vitundar um að þeir beri sjálfir ábyrgð á námi sínu. Nemendum er kennt að finna styrkleika sína og gera sér raunhæfa áætlun um námsferil og samsetningu námsins með tilliti til framtíðaráætlana í námi og starfi. Nemendur fá fræðslu um þá möguleika sem í boði eru hvað varðar námið og læra að halda utanum eigin námsferil. Nemendur læra reglur skólans og lögð er áhersla á að nemendur virði þær. Leitast er við að efla nemann sem einstakling og námsmann. Farið er yfir ábyrga hegðun í skóla, einkalífi og á netmiðlum.
    Nemandi skal hafa öðlast þekkingu og skilning á:
    • utanumhaldi á eigin námsferli
    • mögulegum námsleiðum innan skólans
    • vali og samsetningu eigin náms
    • mikilvægi þess að stunda námið af samviskusemi
    • mikilvægi þess að sækja skólann af samviskusemi
    Nemandi skal hafa öðlast leikni í að:
    • skipuleggja eigin námsferil
    • halda utanum eigið nám
    • gera áætlanir varðandi námið
    • bregðast við ef eitthvað fer öðru vísi í náminu en ætlað er
    • leita aðstoðar
    Nemandi skal geta hagnýtt þá almennu þekkingu og leikni sem hann hefur aflað sér til að:
    • velja nám við hæfi
    • taka nýjar ákvarðanir og breyta um stefnu ef svo ber undir
    • ganga vel um eigur skólans og fara að reglum
    Námsmat er nánar tilgreint á kennsluáætlun en áfanginn er símatsáfangi.