Í áfanganum er fjallað um klassískar Mendelskar erfðir en einnig sameindalíffræði og erfðatækni. Frumuskiptingar, bygging DNA, próteinmyndun, kynákvörðun, tengsl gena, litningabreytingar, stofnfrumur og þróunar- og stofnerfðafræði eru m.a. til umfjöllunar. Úrlausnir verkefna um m.a. einfaldar erfðir á sjálflitningum og kyntengdar erfðir eru hluti af náminu.
LÍFF2GR05
Nemandi skal hafa öðlast þekkingu og skilning á:
grunnlögmálum og lykilhugtökum erfðafræðinnar
sögu erfðafræðinnar
frumuskiptingum, kynfrumumyndun og kynákvörðun
byggingu DNA og litninga, afritun og próteinmyndun
stökkbreytingum á erfðaefni og tengsl við þróun
helstu rannsóknaraðferðum sem beitt er í erfðatækni
Nemandi skal hafa öðlast leikni í að:
bera saman mítósu og meiósu
skoða ættartré til að rekja erfðir
setja upp reitatöflur og reikna út líkur á að ákveðnir eiginleikar erfist milli kynslóða
tengja basaröð í DNA við amínósýrusamsetningu próteina og nota erfðalykilinn
reikna hlutföll arfgerða og tíðni gena í stofnum í erfðajafnvægi
Nemandi skal geta hagnýtt þá almennu þekkingu og leikni sem hann hefur aflað sér til að:
geta tekið rökstudda afstöðu til erfðafræðilegra dægurmála
taka upplýsta afstöðu í umræðum um ýmis siðferðisleg álitamál erfðatækninnar
Námsmat er útfært í kennsluáætlun í samræmi við skólanámskrá