Kennt er samkvæmt námsskrá til undirbúnings almennu ökuprófi. Helstu þættir námsefnisins eru: Próf og kröfur til ökumanna, búnaður bílsins, umferðarmerki, yfirborðsmerkingar, umferðarstjórn, um akstur bifreiða, umferðarreglur, lög, tryggingar, refsingar, slysahjálp o.fl. Farið er yfir námsefni sem lagt er til grundvallar almennu ökuprófi með áherslu á lög, reglur og viðhorf til umferðar með áherslu á jákvæð viðhorf til tillitssemi og ábyrgðar í umferðinni. Nemendum er m.a. kennt að nýta sér efni sem er að finna á Netinu, bæði fræðsluefni og próf. Þá eru farnar vettvangsferðir út í umferðina þar sem fræðilegi hlutinn er tengdur við raunverlulegar aðstæður í umferðinni. Unnið er markvisst að undirbúningi nemenda fyrir almennt ökupróf.
Nemandi skal hafa öðlast þekkingu og skilning á:
helstu flokkum ökuréttinda og aldurskröfum
gerð og búnaði ökutækja
grunnreglum umferðarréttar s.s. hægri reglunni og varðúðarreglunni
helstu hugtökum sem tengjast akstri og umferð
helstu mannlegum þáttum sem koma við sögu í umferðinni
umferðarmerkjum, öðrum umferðarmerkingum og umferðarstjórn
grunnatriðum fyrstu hjálpar og aðgerða á slysstað
skyldutryggingum og frjálsum tryggingum
Nemandi skal hafa öðlast leikni í að:
greina frá helstu flokkum ökuréttinda og aldurmörk sem þeim fylgja
greina frá helstu reglum um gerð og búnað ökutækja
fara eftir grunnreglum í umferðarétti s.s. hægri reglunni og varðúðarreglunni
skilja og greina frá helstu hugtökum sem tengjast akstri
skilja og greina frá mannlegum þáttum sem áhrif hafa á umferðarhegðun einstaklinga
þekkja og fara eftir umferðarmerkjum og öðrum umferðarmerkingum
þekkja og greina frá helstu grunnatriðum fyrstu hjálpar
aðgreina mismundandi tegundir trygginga
Nemandi skal geta hagnýtt þá almennu þekkingu og leikni sem hann hefur aflað sér til að:
haga sér með ábyrgum hætti í umferðinni hvort heldur er sem gangandi eða akandi vegfarandi
fara eftir og virða umferðarlög og umferðarreglur
taka tillit til annarra vegfarenda og sýna þeim tilhlýðilega varúð
undirbúa bóklegt ökunám
Námsmat fer fram með símati byggðu á forsendum hvers og eins nemanda.