Þessi áfangi miðast við B1 í sjálfsmatsramma Evrópsku tungumálamöppunnar. Megintilgangur áfangans er að byggja upp sjálfstraust nemenda gagnvart ensku, bæði rituðu máli og töluðu. Mikil áhersla er lögð á hið talaða mál, bæði frásagnir og almenn samskipti. Lesefni áfangans er af ýmsum toga, bæði blaða- og tímaritsgreinar og bókmenntatextar. Beitt er ólíkum lestraraðferðum, bæði hraðlestri og nákvæmnislestri. Ritunarverkefni eru bæði frjáls ritun og ritun sem byggir á lesefni áfangans. Rík áhersla er lögð á samvinnu nemenda í kennslustundum, bæði varðandi tal- og ritmál. Einnig er áhersla lögð á notkun hjálpartækja, t.d. orðabóka, þar með orðabóka á netinu.
Lokaeinkunn úr grunnskóla C, C+ eða B eða ENSK1AR105.
Nemandi skal hafa öðlast þekkingu og skilning á:
grundvallaratriðum enskrar málfræði
grunnorðaforða til skilnings á textum og töluðu máli um kunnugleg efni og einnig til ritunar um sömu efni
mismun á töluðu og rituðu máli
afmörkuðum þáttum í menningu og mannlífi enskumælandi þjóða
Nemandi skal hafa öðlast leikni í að:
skilja talað mál um kunnuglegt efni
skilja almenna texta með orðaforða úr daglegu lífi
mynda setningar um kunnugleg efni, þ.m.t. með námsefni
taka þátt í almennum samræðum, t.d. á ferðalögum erlendis, um kunnugleg efni
beita grundvallarkurteisisvenjum í samtölum
skrifa stuttan samfelldan texta um kunnuglegt efni, þar með námsefni, hugðarefni og áhugamál
beita grunnreglum málfræðinnar í rituðu máli
beita nýjustu upplýsingatækni við enskunotkun
Nemandi skal geta hagnýtt þá almennu þekkingu og leikni sem hann hefur aflað sér til að:
skilja almennt einfalt daglegt mál, þ.m.t. úr kvikmyndum og öðru afþreyingarefni
skilja almenna einfalda texta um kunnugleg efni
skilja stuttar blaða- og tímaritsgreinar um almenn efni og námsefni
lesa sér til ánægju, t.d. bókmenntir eða um hugðarefni sín, og geta tjáð sig um efnið
takast á við margvíslegar aðstæður í almennum samskiptum og beita eðlilegum kurteisisvenjum
miðla efni sem hann hefur aflað sér þekkingar á
skrifa stutta, samfellda texta um persónuleg efni eða áhugamál og efni sem tengist námsefni áfangans
Sérstakt ritunarpróf og munnlegt próf. Kennaraeinkunn sem byggir að mestu á heimavinnu nemenda. Þar má nefna málfræðiverkefni, orðaforðaverkefni, stuttar ritgerðir og stuttar kannanir úr lesefni, þ.m.t. skáld- og smásögum. Skriflegt lokapróf í lok annar.