Í áfanganum er lögð megináhersla á endurvinnslu og endurnýtingu á öllum þeim hlutum sem nemendur vinna með. Samstarfs verður leitað við heimili og/eða fyrirtæki um að fá nytjavörur og endurnýta eða endurvinna þær. Áhersla er lögð á að nemendur yfirfari tæki og hluti sem þeir fá í hendur. Þau tæki og hlutir sem ekki er hægt að nota áfram eru tekin í sundur og flokkuð til endurvinnslu. Lagt er upp úr því að flokkunin sé í samræmi við reglur sem gilda um endurvinnslu.
Nemandi skal hafa öðlast þekkingu og skilning á:
mikilvægi endurvinnslu í tengslum við umhverfisvernd
virkni og tilgangi tækjanna/hlutanna sem unnið er með
hvaða verðmæti eru oft fólgin í gömlum tækjum/hlutum.
Nemandi skal hafa öðlast leikni í að:
taka tæki og hluti í sundur og setja saman aftur
flokka tæki/hluti eftir tegundum, efni, notagildi og öðru sem áhersla er lögð á hverju sinni
beita verkfærum við endurnýtingu tækja/hluta
meta tæki og hluti út frá notagildi.
Nemandi skal geta hagnýtt þá almennu þekkingu og leikni sem hann hefur aflað sér til að:
lagfæra ýmiss konar hluti og tæki ...sem er metið með... vinnusemi og frammistöðu í kennslustundum
leggja mat á notagildi ýmiss konar hluta og tækja ...sem er metið með... ýmiss konar verkefnum yfir önnina
auka færni sína til tjáningar á eigin skoðunum og samskipta við annað fólk ...sem er metið með... frammistöðu í kennslustundum og kynningarverkefnum
efla læsi á ýmiss konar upplýsingar, bæði í texta- og talnaformi ...sem er metið með... ýmiss konar verkefnum yfir önnina.
Í áfanganum er gert ráð fyrir leiðsagnarmati sem byggir á því að nemandi fá með reglulegum og skipulegum hætti upplýsingar um hvar hann stendur í náminu. Meðal námsmatsþátta eru skýrslur, kynningarverkefni og vinnubrögð.