Farið í virkni og uppbyggingu mismunandi gírkassa í vélhjólum. Hlutföll reiknuð yfir einstaka gíra. Rýnt í mögulegar bilanir eða skemmdir í tannhjólum gírkassa. Farið ítarlega í skiptibúnað gírkassanna (skiptitromlur og skiptiklær) skoðaðir möguleikar á bilunum í þessum búnaði. Ventlabúnaður skoðaður og farið yfir tilgang og gert mat á ástandi ventla, ventilstýringa, ventilþéttinga og ventilsæta. Skoðuð fyrirmæli framleiðanda og kynntur búnaður til fræsinga á ventlum og ventilsætum.
VÉLV3EV03
Nemandi skal hafa öðlast þekkingu og skilning á:
uppbyggingu mismunandi gírkassa í vélhjólum
einkennum bilana í gírkössum vélhjóla
búnaði í kring um ventla í strokklokum vélhjóla
einkenni bilana í ventlabúnaði vélhjóla
Nemandi skal hafa öðlast leikni í að:
framkvæma viðgerðir á gírkössum vélhjóla
framkvæma viðgerðir á ventlabúnaði vélhjóla
greina bilanir í gírkössum vélhjóla
greina bilanir í ventlabúnaði vélhjóla
reikna gírhlutföll
Nemandi skal geta hagnýtt þá almennu þekkingu og leikni sem hann hefur aflað sér til að:
meta ástand gírkassa í vélhjólum
meta ástand ventlabúnaðar í vélhjólum
nýta fyrirmæli og upplýsingar framleiðanda til að greina bilanir
meta ástand ventla, ventilstýringa, ventilþéttinga og ventilsæta
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.