Farið yfir rafkerfi vélhjóla og íhluti þeirra. Teikningalestur og teikning rafkerfis. Farið yfir algengustu útfærslur af rafteikningum. Nemendur teikna upp einfalt rafkerfi. Farið í helstu mælitæki sem notast við bilanaleit.
Að minnsta kosti 5 einingar í rafmagnsfræði
Nemandi skal hafa öðlast þekkingu og skilning á:
helstu íhlutum rafbúnaðar í vélhjólum
helstu mæli- og prófunartækjum sem notast við rafkerfi vélhjóla
algengustu útfærslum af rafteikningum
Nemandi skal hafa öðlast leikni í að:
lesa úr algengustu teikningum af rafkerfum vélhjóla
teikna einfalt rafkerfi vélhjóls
Nemandi skal geta hagnýtt þá almennu þekkingu og leikni sem hann hefur aflað sér til að:
finna íhluti rafkerfis samkvæmt teikningu
nýta helstu tæki við bilanaleit
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.