Farið yfir gerð og virkni hjólhemla bæði diska- og skálahemla. Skoðuð eru hemlakerfi og íhlutir svo sem höfuðdælur og bremsuklossar. Farið yfir aðferðir við að taka hjólhemla sundur og hvernig skal meðhöndla íhluti fyrir samsetningu. Farið yfir fyrirkomulag á slöngum og röralögnum með tilliti til hreyfinga á hjólabúnaði og ýmsar gerðir þéttinga á hemlarörum. Kenndar aðferðir við lofttæmingu vökvakerfa og hvernig á að mæla kast á bremsudiskum. Farið yfir skyldur og ábyrgð viðgerðarmanna vegna umferðaröryggis.
BRHV2FH02
Nemandi skal hafa öðlast þekkingu og skilning á:
kröfum til hemla í reglugerðum
vökvahemlakerfi og íhlutum þeirra
kröfum til vökvalagna og hemlavökva
sérverkfærum og tækjum sem eru notuð við hemlaviðgerðir
Nemandi skal hafa öðlast leikni í að:
beita mismunandi aðferðum við að lofttæma hemlakerfi
endurnýja hemlavökva
mæla kast á bremusdiskum
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa virkni vökvahemlakerfa og íhlutum þeirra
taka sundur hjólhemla meta ástand íhluta og setja saman aftur
meta ástand vökvalagna og endurnýja rör og slöngur
gera ítarlega hemlaprófun
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.