Farið er yfir fræðilegan grunn dempunar í fjöðrunarkerfum vélhjóla. Farið ítarlega í mismunandi eiginleika dempunar við samþjöppun og sundurslag fjöðrunar og stillingar þar á. Farið yfir mismunandi byggingarlag dempara og mismunandi fyrirkomulag á forðabúri og gasfyllingu á dempurum. Farið yfir mismunandi seigju demparaolíu og hvernig skipt er um olíu á dempurum, einnig mikilvægi þrifa og hreinlætis við samsetningu dempara.
FJÖV2FA03
Nemandi skal hafa öðlast þekkingu og skilning á:
mikilvægi réttrar dempunar vélhjóla með tilliti til aksturseiginleika
mismun á dempun við samþjöppun og sundurslag
aðferðum til að meta ástand dempara
Nemandi skal hafa öðlast leikni í að:
endurnýja pakkdósir og fóðringar
stilla fjöðrun
Nemandi skal geta hagnýtt þá almennu þekkingu og leikni sem hann hefur aflað sér til að:
meta ástand ástand dempara
skipta um olíu á dempurum
innstilla dempun við samþjöppun og sundurslátt
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.