Farið yfir helstu gerðir smávéla svo sem: sláttuvélar, sláttuorf, rafstöðvar, vatnsdælur o.fl. Skoðaðar eru vélar og farið í hvað greinir þær frá öðrum og hvar áherslur liggja í fyrirbyggjandi viðhaldi. Áfanginn er að miklu leyti verklegur þar sem nemendur taka sundur, setja saman, bilanagreina og meta ástand hinna ýmsu smávéla.
Að minnsta kosti 5 einingar í vélfræði/vélstjórn
Nemandi skal hafa öðlast þekkingu og skilning á:
helstu gerðum smávéla á markaði
kröfum framleiðanda til fyrirbyggjandi viðhalds smávéla
Nemandi skal hafa öðlast leikni í að:
bilanagreina helstu smávélar
taka sundur og setja saman helstu gerðir smávéla
Nemandi skal geta hagnýtt þá almennu þekkingu og leikni sem hann hefur aflað sér til að:
meta ástand smávéla
gera áætlun um viðgerð
gera við helstu gerðir smávéla
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.