Fjallað er um grundvallaratriði bókhalds, dagbókarfærslur og yfirfærslu yfir í reikningsjöfnuð (rekstrarreikninga og efnahagsreikninga og eigið fé). Bókhaldsjafnan og helstu reikningar kynntir. Nemendur dýpka skilning sinn á bóhaldshringrás og þjálfast í að hefja bókhald og loka því samkvæmt reglum tvíhliða bókhalds. Bókhald fært í tölvukerfi eftir fylgiskjölum með bókhaldslyklum. Farið er yfir kröfur sem gerðar eru til tölvubókhaldskerfa og varðveislu gagna og fylgiskjala sem notuð eru við slíkt bókhald. Áhersla er lögð á að nemendur öðlist skilning á hvernig fjárhagsbókhald sækir upplýsingar í birgðabókhald, viðskiptamannabókhald, sölubókhald og launabókhald (farið í helstu atriði við útreikning launa og launatengdra gjalda). Fjallað um uppgjör virðisaukaskatts og uppgjörsfærslur, afstemmingar og leiðréttingafærslur. Kynntir eru möguleikar á ýtarlegri skýrslugerð ásamt túlkun og greiningu upplýsinga.
Nemandi skal hafa öðlast þekkingu og skilning á:
debit og kredit færslum í dagbók, bókhaldsjöfnunni, efnahagsreikningum og rekstrarreikningum í reikningsjöfnuði.
þekki flokkun merkingu og varðveislu fylgiskjala.
geti sett upp og skipulagt bókhaldslykla.
skilja tengsl fjárhagsbókhalds við önnur kerfi.
skilja mikilvægi afstemmingar við uppgjör.
Nemandi skal hafa öðlast leikni í að:
færa dagbók og gera reikningsjöfnuð.
geti skráð, bókað og bakfært fylgiskjöl í mismunandi kerfum.
geti stofnað og eytt t.d. vörunúmerum, birgjum og viðskiptamönnum.
útbúið launaseðla með tilhlýðilegum útreikningum á launum (þ.m.t. launatengd gjöld).