Í áfanganum hanna nemendur fylgihluti, t.d. töskur, klúta, skartgripi, höfuðföt og margt fleira. Nemendur nota hina ýmsu tækni innan textílgreinarinnar t.d. prjón, saum, hekl, leðurvinnu, o.fl. Ætlast er til að nemendur skoði fylgihluti út frá heildarútliti t.d fatnaði og skóm.
FATA1SH05 og/eða HAND2HS05
Nemandi skal hafa öðlast þekkingu og skilning á:
þýðingu fylgihluta sem hluta af alklæðnaði
fylgihlutum frá ýmsum tímabilum í sögunni
hönnun fylgihluta út frá eigin forsendum
fylgihlutum með notagildi í huga
notkun á pappír og fleira til að móta fylgihlut
Nemandi skal hafa öðlast leikni í að:
gera tilraunir með mismunandi form
geta nýtt sér hugmyndafræði úr sögunni til gagnasöfnunar
geta unnið tilraunavinnu út frá gagnasöfnun
geta mótað nothæfan fylgihlut úr textíl
Nemandi skal geta hagnýtt þá almennu þekkingu og leikni sem hann hefur aflað sér til að:
geta hannað sinn eigin fylgihlut
geta nýtt sér hinar ýmsu aðferðir í textílmennt til að setja saman fylgihlut
geta samið og útbúið einfalda en vandaða verklýsingu
viðhafa vönduð vinnubrögð
Símat: gagnasöfnun, úrvinnsla, mótun, prufuhlutur og/eða tilraunavinna, auðskilin vinnulýsing, fullunnin fylgihlutur, umfang hans og frágangur.