Í fyrri hluta áfangans er megináherslan lögð á matreiðslu léttra rétta (skyndibita). Þar má t. d. nefna pylsur, pizzur, hamborgara, smurbrauð, burrito og pítur. Í tengslum við matreiðsluna þurfa nemendur að leita upplýsinga á veraldarvefnum um sögu þessara rétta og vinna stutt verkefni samfara því. Nemendur annast innkaup á hráefni með hollustu og hagkvæmni í huga og laga uppskriftir að vöruúrvali. Í síðari hluta áfangans er fjallað um matarmenningu þriggja Evrópuland, þ. e. Danmerkur, Frakklands og Ítalíu. Lögð er áhersla á að nemendur kynnist menningu þessara landa í gegnum matargerðina, m. a. í gegnum kvikmyndir frá viðkomandi löndum. Ætlast er til að nemendur vinni stutt verkefni um löndin sem til umfjöllunar eru hverju sinni.
Engar
Nemandi skal hafa öðlast þekkingu og skilning á:
sögu og neyslu valdra skyndibitarétta
ólíkum siðum við fæðuöflun og matargerð
tengslum valdra samfélaga við matarmenningu sína
mikilvægi hollrar næringar fyrir heilbrigðan líkama.
Nemandi skal hafa öðlast leikni í að:
matreiða létta rétti
vinna með ýmiss konar gögn við matreiðslu, þ.e. matreiðslubækur og hvers kyns áhöld og tæki
greina á milli ólíkra gerða matseldar, s.s. suðu, steikingar, ofnbökunar o.s.frv.
ástunda hagkvæm og umhverfisvæn innkaup til heimilis.
Nemandi skal geta hagnýtt þá almennu þekkingu og leikni sem hann hefur aflað sér til að:
miðla almennri þekkingu sinni á mat og matarmenningu í umræðum og stuttum kynningum ...sem er metið með... ýmiss konar kynningarverkefnum
miðla leikni sinni við matseld ...sem er metið með... matseld og smökkun
leggja mat á næringargildi og hollustu matvöru ...sem er metið með... ýmsum verkefnum yfir önnina
haga matarinnkaupum eftir sjónarmiðum um hollustu, sjálfbærni og hagkvæmni ...sem er metið með... verkefnum í tengslum við matarinnkaup.
Í áfanganum er gert ráð fyrir leiðsagnarmati en í því felst að nemandi fái með reglulegum og skipulegum hætti upplýsingar um hvar hann stendur í náminu. Meðal námsmatsþátta eru kynningarverkefni, innkaupaverkefni og matreiðsla.