Matur og menning í fjarlægum löndum og innlend matarmenning
MOME1FL05(12)
None
Matur og menning
Matur og menning í fjarlægum löndum
í vinnslu
1
5
12
Í þessum áfanga kynnast nemendur matargerð í fjarlægum menningarheimum auk þess sem þeir fræðast um íslenska matarmenningu. Ætlast er til að nemendur nái tökum á matreiðslu ýmissa framandi rétta auk þess sem áhersla er lögð á hlutverk gestgjafans í matarboðum. Nemendur annast innkaup á hráefni með hollustu og hagkvæmni í huga og laga uppskriftir að vöruúrvali. Nemendur kynnast þeim menningarheimi og þeirri samfélagsgerð sem maturinn tengist, m.a. með því að horfa á sjónvarpsþætti og kvikmyndir sem tengjast matargerð og með því að nýta sér upplýsingar af veraldarvefnum. Nemendur vinna stuttar kynningar á þeim löndum eða svæðum sem til umfjöllunar eru hverju sinni. Þau lönd sem tekin eru fyrir í áfanganum eru m. a. Ísland, Pólland, Tyrkland, Indland, Kína, Mexíkó og Íran.
Engar
Nemandi skal hafa öðlast þekkingu og skilning á:
matarmenningu í völdum fjarlægum samfélögum
innlendri matarmenningu
ólíkum siðum við fæðuöflun og matargerð
mikilvægi hollrar næringar fyrir heilbrigðan líkama.
Nemandi skal hafa öðlast leikni í að:
matreiða framandi rétti
vinna með ýmiss konar gögn við matreiðslu, s.s. matreiðslubækur og hvers kyns áhöld og tæki
greina á milli ólíkra gerða matseldar, s.s. suðu, steikingar, ofnbökunar o.s.frv.
greina á milli ólíkra menningarheima út frá ólíkum listafurðum og matseld
ástunda hagkvæm og umhverfisvæn innkaup til heimilis.
Nemandi skal geta hagnýtt þá almennu þekkingu og leikni sem hann hefur aflað sér til að:
miðla almennri þekkingu sinni í umræðum og stuttum kynningum ...sem er metið með... ýmiss konar kynningarverkefnum
miðla leikni sinni við matseld ...sem er metið með... matseld og smökkun
auka skilning sinn á framandi menningaheimum og eigin menningu ...sem er metið með... ýmiss konar verkefnum yfir önnina
leggja mat á næringargildi og hollustu matvöru ...sem er metið með... ýmsum verkefnum yfir önnina
haga innkaupum eftir sjónarmiðum um hollustu, sjálfbærni og hagkvæmni ...sem er metið með... verkefnum í tengslum við matarinnkaup.
Í áfanganum er gert ráð fyrir leiðsagnarmati en í því felst að nemandi fái með reglulegum og skipulegum hætti upplýsingar um hvar hann stendur í náminu. Meðal námsmatsþátta eru kynningarverkefni, innkaupaverkefni og matreiðsla.