Farið er yfir eiginleika þeirra efna sem einkum eru notuð í iðngreininni. Fjallað er um framleiðslu efnanna og uppbyggingu og gerð grein fyrir reglum sem gilda um mælingar á eiginleikum þeirra. Einkum skal farið yfir efni sem notuð eru í netagarn og tó, víra, lása, keðjur, flot, bobbinga og blý. Aðaláherslu skal leggja á eiginleika einstakra efna og gera grein fyrir hvaða eiginleikar eru heppilegir í hverju tilviki.
Nemandi skal hafa öðlast þekkingu og skilning á:
hugtakinu efnisfræði, viðfangsefnum efnisfræðinnar og tengslum hennar við efna- og eðlisfræði
eiginleikum og notkunarsviði allra efna sem notuð eru í iðngreininni. Framleiðsluaðferðum og framleiðsluheitum efna. Kröfum varðandi framleiðsluaðferðir og gæði tógs, garns, víra, keðja, flota og gúmmíhluta
netagarni og tógi úr náttúrulegum efnum sem notuð hafa verið og eru sumstaðar enn notuð í veiðarfæri. Rotnun, orsakir og endingar-aukningu með rotvörnum
gerviefnum í netagarni og tógi, framleiðsluheitum, framleiðsluaðferðum, efniseiginleikum, flokkun og merkingakerfum
eiginleika og merkingarkerfi kaðla. Upplýsingar framleiðenda
vírum, framleiðslu þeirra, samsetningu, notkunarsviði og endingu. Merkingakerfi víra og upplýsingar framleiðenda
lásum og tengilhlutum. Merkingakerfi lása og tengihluta. Upplýsingar framleiðenda
keðjum sem eru notuð í veiðarfæri. Merkingakerfi og upplýsingarframleiðenda
flotum og blýi. Merkingakerfi og upplýsingar framleiðenda
bobbingum og stálbobbingum, dýptarsviði og sjóþyngd. Merkingakerfi og upplýsingar framleiðenda
innlendum stöðlum um efni; ÍST 101, 102, 105, 108 og 109. Er-lendum stöðlum um gerviefni, víra, lása, staðla, flot, bobbinga og blý
meginatriði í þróun efna til veiðar-færagerðar og efnisfræðilega eiginleika nýrra efna samanborið við hefðbundin efni
öllum helstu handverkfærum sem notuð eru til veiðarfæragerðar hérlendis
öllum mælitækjum sem notuð eru til veiðarfæragerðar hérlendis
helstu vélknúnu verkfærum sem notuð eru við veiðarfæragerð hérlendis
undirstöðuatriði við skipulag vinnusvæða og starfsstöðva
hugtakinu framleiðni, bæði innan skipulagseiningar og heildar
hugtakinu framlegð
Nemandi skal hafa öðlast leikni í að:
útskýra hvernig efnisfræðilegar rannsóknir og niðurstöður eru hagnýttar við hönnun, framleiðslu og mat á nýtingarmöguleikum og gæðum veiðarfæra
meta framleiðsluaðferðir efna og skilgreina hvort framleiðsla sé unnin eftir þekktum og viðurkenndum aðferðum og reglum. Leita haldbærra upplýsinga og leggja mat á þær
greina á milli eiginleika, kosta og ókosta náttúrulegra efna og gerviefna
velja garn til netagerðar og rökstyðja valið
velja kaðla í veiðarfæri og rökstyðja valið
velja viðeigandi efni og íhluti með hliðsjón af styrk og öryggi: S.s víra, keðjur, kaðla og lása og tengihluti. Rökstyðja valið
velja flot í samræmi við aðstæður; sjódýpt, sökkhraða, þrýstiþol, höggálag og uppdrift
velja bobbinga og rokkhoppergúmmi (steinastiklu) eftir loft- og sjóþyngd og botngerð
nota staðla við val á efnum og framleiðslu veiðarfæra
leggja mat á hvenær skal ráðleggja notkun nýrra (og jafnan dýrari) efna og rökstyðja tillögur með tilvísun í reynslu og upplýsingar framleiðenda
velja og beita handverkfærum til allra þátta í veiðarfæragerð
velja og beita mælitækjum af nákvæmni. Skrá mæliniðurstöður á faglegan hátt og vista ef tilefni er til
beita vélknúnum verkfærum af öryggi. Fara að öllum öryggiskröfum við vinnu með vélknúin verkfæri
leggja fram rökstuddar upplýsingar um endurbætur og breytingar á skipulagi starfsstöðva, aðstöðu og verkferlum
aðferðum til að meta og mæla framleiðni innan skipulagseiningar
beita framlegðarreikningi á eigin viðfangsefni og verkefni
Nemandi skal geta hagnýtt þá almennu þekkingu og leikni sem hann hefur aflað sér til að:
kynna sér og leggja mat á vörur og framboð framleiðenda í ljósi efniseiginleika
meta upplýsingar framleiðenda á gagnrýninn hátt og leita staðfestinga í reynslu notenda
meta hvaða efni skal nota á hverjum stað í veiðarfæri og velja með hliðsjón af upplýsingum framleiðanda og seljanda um efniseiginleika og gæði
upplýsa viðskiptavini um möguleika í efnisvali með tilliti til efniseiginleika
eiga samskipti við framleiðendur og seljendur með hliðsjón af kröfum, stöðlum og óskum viðskiptamanna
rækta með sér kostnaðarvitund, bæði varðandi breytilegan og fastan kostnað
efla með sér vitund um starfsaðstöðu og leggja fram jákvæðar tillögur um lagfæringar, þróun og endurnýjun
rökstyðja tillögur sínar með tilvísun í framleiðni og framlegð
Áfanganum lýkur með prófi og mati á verkefnum gerðum á önninni.