Í áfanganum læra nemendur um mikilvægi líkams- og heilsueflingar. Tímar í áfanganum eru bóklegir og verklegir þar sem leitast er við að tengja bóklega fræðslu með beinum hætti inn í verklega hlutann. Fjallað er almennt um þætti sem tengjast lífsgleði og heilsu og hve hreyfing og rétt mataræði eiga stóran þátt í því að fólki líði vel í hinu daglega lífi. Fjallað er um uppbyggingu heilsusamlegs mataræðis, flokkun næringarefna og mikilvægi þeirra til viðhalds og vaxtar.
Einnig öðlast nemendur þekkingu á grunnþáttum líkamsþjálfunar hvað varðar þol-, styrktar- og liðleikaþjálfun og fá að kynnast þeim líffræðilegu þáttum sem gegna mikilvægu hlutverki þegar líkami er í hreyfingu/þjálfun, s.s. uppbyggingu vöðvakerfis, hjarta- og blóðrásarkerfis og loftskipta/öndunar. Fjallað er um meiðsli í tengslum við æfingar og fyrirbyggingu þeirra, áhrif tóbaks og áfengis á líkamann og mikilvægi góðrar líkamsbeitingar í starfi. Einnig er farið í skipulagningu eigin þjálfunar þar sem nemendur fá innsýn í þá þætti sem þarf að hafa til hliðsjónar þegar útbúin er æfingaáætlun.
LÍKA1HH01 (LÍH1B01)
Nemandi skal hafa öðlast þekkingu og skilning á:
mikilvægi heilsuræktar og heilbrigðs lífsstíls.
grunnþáttum þjálfunar, s.s. upphitun, þolþjálfun, styrktarþjálfun og liðleikaþjálfun.
uppbyggingu vöðvakerfis, hjarta-og blóðrásarkerfis og loftskipta/öndunar.
meiðslum í tengslum við æfingar og hvernig helst megi fyrirbyggja slík meiðsli.
tengslum mataræðis og þjálfunar.
uppbyggingu heilsusamlegs mataræðis, flokkun næringarefna og hlutverki þeirra.
áhrifum tóbaks og áfengis á líkamann.
byggingu og hlutverk hryggjarins, mikilvægi réttrar líkamsstöðu og áhrifum slökunar.
skipulagningu þjálfunar og hvernig á að útbúa eigin æfingaáætlun.
Nemandi skal hafa öðlast leikni í að:
nýta sér þekkingu um mikilvægi heilbrigðs lífernis í daglegu lífi.
nýta sér þekkingu um grunnþætti þjálfunar í eigin þjálfun.
temja sér hollt og gott mataræði í tengSlum við daglegt líf og hreyfingu.
nýta sér undirstöðuatriði líkamsbeitingar og slökunar í daglegu lífi og eigin þjálfun.
Nemandi skal geta hagnýtt þá almennu þekkingu og leikni sem hann hefur aflað sér til að:
flétta reglubundna hreyfingu inn í daglegt líf sem metið er með spurningalistum.
skilja mikilvægi hæfilegrar áreynslu á áðurnefnda líffræðilega þætti sem metið er með tilraunum.
fyrirbyggja algeng álagsmeiðsl sem metið er með verkefnum.
tileinka sér hollar og fjölbreyttar fæðuvenjur sem metið er með spurningalistum og matardagbók.
lesa innihaldslýsingar á matarumbúðum sem metið er með verkefnavinnu.
vera meðvitaður um skaðleg áhrif tóbaks og áfengis sem metið er með umræðum og verkefnum.
vera meðvitaður um rétta líkamsbeitingu við dagleg störf sem metið er með verklegum æfingum.
skipuleggja eigin hreyfingu þannig að hún snerti á öllum grunnþáttum þjálfunar sem er metið með verkefnum.
Námsmat byggir á ástundun og virkni, heimaverkefnum, matardagbók, þátttöku nemandans og virkni í umræðum og tilraunum, jafnt í bóklegum og verklegum tímum. Skriflegt lokapróf. Leiðsagnarmat er markvisst notað.