Lögð er áhersla á málsögu enskrar tungu og menningu hins enskumælandi heims. Nemendur kynna sér bókmenntir og fréttatengt efni líðandi stundar. Nemendur þjálfast í lestri mismunandi texta og fjalla um ýmis viðfangsefni í ræðu og riti.
ENSK3HR05
Nemandi skal hafa öðlast þekkingu og skilning á:
uppruna tungumálsins og útbreiðslu sem og skyldleika þess við íslenskt mál.
menningu og málsniði í enskumælandi löndum.
stjórnmálum, fjölmiðlum og sögu og áhrifum þeirra á þjóðfélagsmótun í þeim löndum þar sem enska er töluð.
orðaforða sem gerir honum kleift að tileinka sér lesefni í áframhaldandi námi og starfi.
hefðum sem eiga við um talað og ritað mál, t.d. mismunandi málsniðum.
Nemandi skal hafa öðlast leikni í að:
lesa texta sér til ánægju og fróðleiks sem gera miklar kröfur til hans, hvað varðar orðaforða, uppbyggingu, myndmál og stílbrögð.
tjá sig af öryggi um málefni sem lúta að umfjöllun um bókmenntaverk, flutningi þeirra og tjáningarmáta.
beita ritmálinu í mismunandi tilgangi, fræðilegum sem persónulegum, með stílbrigðum og málsniði sem við á.
tjá sig af öryggi um margvísleg málefni og taka þátt í samræðum með árangursríkum hætti.
flytja vel uppbyggða frásögn, kynningu og greinargerð.
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á mismunandi málsniði og stíl í töluðu máli sem og undirliggjandi viðhorfum og tilgangi þess sem talar.
greina sögulegt, félagslegt, menningarlegt og pólitískt samhengi ýmiss konar texta og bókmenntaverka.
leggja gagnrýnið mat á texta, túlkunarmöguleika o.fl.
beita málinu án meiri háttar vandkvæða í umræðum og rökræðum þar sem fjallað er um persónuleg, menningarleg, félagsleg og fjölmenningarleg efni.
vinna úr ýmsum upplýsingaveitum og fella saman í eina heild.