Ný menntastefna er höfð til grundvallar og grunnþættir menntunar eru hafðir að leiðarljósi. Áhersla er á læsi í víðu samhengi, s.s. á bókstafi og hljóð, umhverfi, tákn, reglur, samskiptamiðla, hugtök, tjáskipti, tilfinningar, lesefni og samskipti. Vinnuferlið miðast við að efla færni og sjálfsmynd nemenda til að takast á við fjölbreytt lesefni við hæfi hvers og eins.
Engar
Nemandi skal hafa öðlast þekkingu og skilning á:
Einföldum bókmenntatexta á enskri tungu
Ýmsum aldurs- og áhugamiðuðum hugtökum á enskri tungu
Mikilvægi lestrar og bókmennta
Mikilvægi tjáningar og hlustunar
Nemandi skal hafa öðlast leikni í að:
Finna sér bókmenntir við hæfi á bókasöfnum og öðrum stöðum
Nýta sér bókmenntir á fjölbreyttu formi, s.s. á stafrænum miðlum
Tjá sig í mæltu og/eða rituðu máli
Vinna með texta sem hann hefur lesið og/eða hlustað á
Nýta sér leiðréttingarforrit og önnur hjálpargögn til verkefnavinnu
Lesa upp og/eða tjá sig fyrir framan aðra
Lesa og/eða hlusta á texta sér til gagns og gleði
Nemandi skal geta hagnýtt þá almennu þekkingu og leikni sem hann hefur aflað sér til að:
Nýta sér enskar bókmenntir
Auka sjálfstraust sitt og trú á eigin málfærni í tjáningu og/eða ritun
Nýta sér læsi í víðu samhengi
Hlusta á sjónarmið annarra af víðsýni
Lesa í og/eða nýta sér upplýsingar sem koma fram í útvarpi, sjónvarpi og í netmiðlum
Lesa í umhverfi, samskipti, tilfinningar og reglur í þeim tilgangi að átta sig á hvað er viðeigandi hverju sinni
Hlusta á aðra og tjá eigin skoðanir
Lesa ýmsa texta, s.s. bækur, fréttir og fræðigreinar
Námsmat er útfært í kennsluáætlun í samræmi við skólanámskrá.