Nemendur kynna sér hina ýmsu vinnustaði sem starfa á sviði málmiðnaðar. Nemendur læra að vinna samkvæmt teikningum og meta hvernig best er að vinna verkið með tilliti til kostnaðar, öryggis, efnisvals og gæða. Nemendur vinna í sumum tilfellum samkvæmt eigin teikningu og meta hvernig best er að vinna fyrirfram ákveðið verk, þá er hlutur mældur, rissaður og síðan gerð vönduð vinnuteikning. Farið er yfir meðferð, umhirðu og öryggisþætti allra véla og tækja sem koma að vinnu nemenda, sem og aðra almenna öryggisþættir á verkstæðinu. Nemendur þjálfast í hópstarfi og samvinnu um smíðaverkefni. Nemendur samhæfa þekkingu, leikni og hæfni sem þeir hafa öðlast í öðrum áföngum.
SMÍÐ2NH05
Nemandi skal hafa öðlast þekkingu og skilning á:
einföldum stálsmíðateikningum
mismunandi málvikum sem gefin eru upp á smíðateikningum
helstu vélum og handverkfærum til stálsmíða
algengasta fylgibúnaði
helstu vinnsluháttum við almennar stálsmíðar
helstu öryggisþáttum við almennar stálsmíðar
hlífðarbúnaði tengdum helst stálsmíðaverkefnum
mikilvægi varna gegn hávaða
mikilvægi góðrar loftræstingar á vinnustað
Nemandi skal hafa öðlast leikni í að:
lesa úr einlínumyndum og einfaldari stálsmíðateikningum
efna niður í tengd verkefni m.t.t. málvika
meðhöndla vélar og handverkfæri á viðeigandi hátt
efnistaka skv. einföldum teikningum
gera einfalda kostnaðaráætlun
beita suðuaðferðum sem eiga við hverju sinni
beita einfaldari vélum og handverkfærum til stálsmíða
forma, beygja og valsa einfalda smíðagripi úr plötu og stangarefni
Nemandi skal geta hagnýtt þá almennu þekkingu og leikni sem hann hefur aflað sér til að:
smíða einfalda hluti úr mismunandi plötu og stangarefni
smíða einfalda hluti m.t.t. málvika
vinna eftir einföldum stálsmíðateikningum
merkja upp einfalda útflatninga eftir námkvæmum vinnuteikningum
skipuleggja vinnu við minni verkefni í samráði við aðra
vinna að einhverju leiti sjálfstætt að einfaldari verkefnum
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.