Áfanginn byggist upp á lestri ólíkra texta frá ýmsum tímabilum og ýmiskonar ritun. Áhersla er lögð á að nemendur efli málfærni sína og lesskilning með því að lesa og skrifa mismunandi texta. Þá kynnast nemendur norrænni goðafræði og hugmyndaheimi norrænna manna til forna. Mikil áhersla verður lögð á að nemendur lesi texta sér til ánægju og stuðli þannig að aukinni lestrarfærni og túlkun. Í áfanganum verða nemendur þjálfaðir í ólíkum gerðum ritsmíða bæði skapandi skrifum og nytjatextum. Farið er í helstu hugtök bókmenntafræðinnar og hvernig á að beita þeim við lestur og túlkun texta.
Hæfnieinkunn B við lok grunnskóla eða hafa lokið undirbúningsáfanga.
Nemandi skal hafa öðlast þekkingu og skilning á:
hugtökum bókmenntafræðinnar í umfjöllun um texta
mikilvægi lesturs og lesskilnings
uppbyggingu og framsetningu mismunandi texta
mismunandi tegundum bókmennta og norrænni goðafræði
Nemandi skal hafa öðlast leikni í að:
lesa sér til gagns og ánægju
lesa bókmenntaverk frá ýmsum tímum og fjalla um inntak þeirra
nota bókmenntafræðileg hugtök við greiningu og túlkun texta
semja mismunandi texta þar sem gagnrýninni og skapandi hugsun er beitt
Nemandi skal geta hagnýtt þá almennu þekkingu og leikni sem hann hefur aflað sér til að:
lesa og túlka texta sér til gagns og ánægju
beita skýru og blæbrigðaríku máli í ræðu og riti
tengja íslenska tungu og menningarheim við fortíð og samtíð
Notast verður við fjölbreyttar námsmatsaðferðir en í því felst m.a. að nemendur athugi ýmsa þætti efnisins, geri skýrslur um rannsóknir, haldi fyrirlestra og taki þátt í umræðum í sambandi við þá, taki ýmis smápróf og leysi ýmiskonar verkefni. Gera má viðveru og virka þátttöku að skilyrði til að standast áfangann.