Í þessum fyrsta áfanga frönskunnar á 2. þrepi er áfram unnið að því nemendur efla færni sína í lesskilningi, tali, hlustun og ritun. Nemendur auka orðaforða sinn jafnt og þétt. Áfanginn er í ríkari mæli en áður þematengdur og meiri áhersla lögð á hagnýtingu frönskunámsins.
Meðal efna sem tekin fyrir eru ýmis mál sem eru efst á baugi í Frakklandi og öðrum frönskumælandi löndum. Samhliða þessari vinnu er lesin stutt skáldsaga og verkefni unnin út frá henni. Nemendur eru þjálfaðir í sjálfstæðum vinnubrögðum, m.a. í ýmiss konar verkefnum í tengslum við þemu áfangans og fá meiri þjálfun í að tjá sig í ræðu og riti en í fyrri áföngum.
Franska 3
Nemandi skal hafa öðlast þekkingu og skilning á:
þeim orðaforða sem nauðsynlegur er til að mæta hæfniviðmiðum áfangans
notkun frönskunnar til að mæta hæfniviðmiðum áfangans bæði munnlega og skriflega
vera enn meðvitaðri en áður um ólík málsnið.
Nemandi skal hafa öðlast leikni í að:
skilja nokkuð vel þegar rætt er um málefni daglegs lífs eða málefni sem tengjast þemum áfangans
skilja betur en áður orð og orðasambönd sem eru einkennandi fyrir talmál
skilja stuttar greinar t.d. í tímaritum, dagblöðum og á netinu um ýmis efni með hjálp orðabóka og uppsláttarrita og skima nokkuð þunga texta sem tengjast þemum áfangans þannig að hann skilji aðalatriðin
taka þátt í samtali um afmörkuð, undirbúin efni
skrifa texta af fjölbreyttara tagi en áður um efni sem tengist viðfangsefnum áfangans.
Nemandi skal geta hagnýtt þá almennu þekkingu og leikni sem hann hefur aflað sér til að:
greina aðalatriði í daglegu máli, svo sem samræður og fjölmiðlaefni, ef hann þekkir til efnisins og talað er nokkuð skýrt
tileinka sér efni ritaðra texta af ýmsu tagi og hagnýta á mismunandi hátt
gera útdrátt eða eigin hugleiðingar út frá ólíkum textum
lesa skáldskap af hæfilegu þyngdarstigi og eiga auðveldara en áður með að túlka hann og tjá sig munnlega og skriflega um efni hans
ræða við aðra af nokkru öryggi um efni sem hann þekkir vel til og geta betur en áður beitt málfari og málsniði við hæfi hverju sinni
skiptast á skoðunum við aðra um framtíðaráform, framtíðarsýn og önnur málefni sem tengjast námsefninu
skrifa flóknari og fjölbreyttari texta en áður um ýmis efni
skrifa samantekt byggða á tilteknu efni, t.d. stuttri blaðagrein
sýna gagnrýna hugsun og skipulögð vinnubrögð við lausn viðfangsefna
nálgast viðfangsefni á mismunandi og viðeigandi hátt.
Námsmat er tilgreint í kennsluáætlun og samræmist skólanámskrá.