Unnið verður með grunnatriði kynningarforrita og aðferðir við vinnslu kynningar efnis. Unnið verður með forrit eins og Microsoft Power Point og Publisher og notkunarmöguleikar þeirra kynntir.
Nemandi skal hafa öðlast þekkingu og skilning á:
Framsetningu texta og mynda í glæruforritum
Mikilvægi þess að kunna að setja upp aðlaðandi kynningar og kynningarefni af ýmsu tagi
Hvernig nota skal kynningarforrit til að koma upplýsingum á framfæri
Mikilvægi þess að vanda framsetningu
Að það má alltaf bæta við kunnáttu sína á þessu sviði
Nemandi skal hafa öðlast leikni í að:
Vinna með glæruforrit og önnur kynningarforrit
Leita mismunandi leiða í vinnuferlinu
Skipuleggja, afla, flokka, vinna úr og miðla upplýsingum á gagnrýninn hátt
Meðhöndla heimildir á gagnrýninn hátt við upplýsingaöflun af netinu
Nota hjálpartexta og leiðbeiningar við notkun forrita
Nemandi skal geta hagnýtt þá almennu þekkingu og leikni sem hann hefur aflað sér til að:
Efla sjálfstraust sitt
Útbúa kynningar fyrir aðra á skilmerkilegan og snyrtilegan hátt
Afla, vinna úr og miðla gögnum og upplýsingum á gagnrýninn og skapandi hátt
Koma hugmyndum sínum á framfæri
Námsmat er útfært í kennsluáætlun í samræmi við skólanámskrá.