Í áfanganum eru raktir helstu þættir í hinni samfelldu sögu menningar, lista og hugmynda á Vesturlöndum. Áhersla verður lögð á fjögur svið þessarar sögu, í fyrsta lagi klassíska menningu Grikkja og Rómverja, í öðru lagi miðaldamenning og kristindómur, í þriðja lagi endurreisn og upplýsingu og í fjórða lagi nútíma menningu. Ágripi af listasögu þessara sviða verður tvinnað við yfirferðina.
SAGA2FM05, SAGA2NÝ05 (SAGA2SÖ05 fyrir nemendur á Raungreina- og Náttúrufræðibrautum)
Nemandi skal hafa öðlast þekkingu og skilning á:
innihaldi grunnhugmynda s.s. menningar, hugmynda, trúarbragða og stjórnmála
helstu atriðum úr sögu fræða, vísinda og lista Vesturlanda
helstu þáttum í þróun tækni og efnahags
þróun samfélagsgerðar á Vesturlöndum
Nemandi skal hafa öðlast leikni í að:
leita sér heimilda á mörgum ólíkum sviðum
nota heimildir af veraldarvef
afla sér heimilda úr nærumhverfi
gera grein fyrir þekkingu sinni og skilningi með margskonar móti
gera grein fyrir heimildum og aðferðum með viðurkenndum hætti
Nemandi skal geta hagnýtt þá almennu þekkingu og leikni sem hann hefur aflað sér til að:
sýna tengslin milli tækni, efnahags, þjóðfélgasgerðar og menningar
sýna hvernig ákveðin menning birtist í listum
nefna dæmi um hvernig landfræðileg og þjóðleg einkenni geta birst í menningu og hugmyndum
greina menningu ólíkra hópa, t.d. kynja og stétta
greina hlutverk fræða og vísinda í framvindu mannkynssögunnar
meta hlutverk trúarbragða og þá þætti sem trúarbrögðum eru sameiginlegir
Námsmat er tilgreint í kennsluáætlun og samræmist skólanámskrá.