Nemandinn kynnist byggingu og starfsemi mannslíkamans og lífeðlisfræði hans. Nemandinn á að þekkja helstu hugtök líffærafræðinnar, starfsemi frumna, vefjagerðir auk helstu líffæra og líffærakerfa. Megináhersla er lögð á byggingu og starfsemi þekjukerfisins. Farið er í líffræði sem tengist þekjukerfinu og helstu sjúkdóma sem tengjast húð, hári og nöglum. Nemendur læra að þekkja innkirtla, stoð- og hreyfikerfi. Farið er í helstu efnatengi og efnafræði líkamans. Nemendur skoða húð, hár og neglur og kynnast þeim erfðaþáttum sem hafa áhrif.
Nemandinn er þjálfaður í höfuðnuddi og lærir um helstu slökunarpunkta á höfði til að nýta við vinnu sína.
Nemandi skal hafa öðlast þekkingu og skilning á:
starfsemi líkamans og lífeðlisfræði hans.
starfsemi frumna og helstu vefjagerðum.
helstu líffærum og líffrærakerfum.
þekjukerfinu.
helstu sjúkdómum sem tengjast þekjukerfinu.
helstu erfðaþáttum sem tengjast húð, hári og nöglum.
innkirtla-, stoð- og hreyfikerfi líkamans.
höfuðnuddi við þvott á hári.
Nemandi skal hafa öðlast leikni í að:
þekkja helstu sjúkdóma sem tengjast húð, hári og nöglum.
greina erfðaþætti sem hafa áhrif á húð og hár.
nota höfuðnudd í starfi sínu.
þekkja hin ýmsu efnatengi í líkamanum og tengja þekkinguna við þau efni sem nemandinn notar í starfi sínu.
Nemandi skal geta hagnýtt þá almennu þekkingu og leikni sem hann hefur aflað sér til að:
skynja og sjá tengsl milli þess sem hann sér hjá viðskiptavini sínum og þeirra verkefna sem unnin eru.
skilja hvernig þekjukerfið vinnur, áhrif sjúkdóma á líkamann og hvernig þeir geta komið fram hjá viðskiptavini með þvi að tengja það ólíkum verkefnum áfangans.
geta valið sér ákjósanlega leið í varðveislu gagna og framsetningu á efni, bæði á rafrænu og áþreifanlegu formi.