Í áfanganum fá nemendur meðal annars að spreyta sig á tálgun úr trjám og er sú tækni uppistaðan í þessum áfanga. Nemendur fá einnig að kynnast öðrum handverkfærum sem þeir koma til með að nota og eins að nýta endurnýtanleg efni í listsköpun og handverk. Þeir komast að því að hægt er að hanna fallega hluti úr íslenskum náttúruefnivið og samþætta við önnur efni. Þannig læra þeir á sitt nánasta umhverfi og kynnast fjölbreytni náttúrunnar og fá um leið tækifæri til að skynja hana betur og nýta til listsköpunar. Lögð er áhersla á skapandi, vönduð og sjálfstæð vinnubrögð.
Nemandi skal hafa öðlast þekkingu og skilning á:
Náttúrunni og nánasta umhverfi og sýna því virðingu
Formum, línum og hreyfingu innan listsköpunar
Gildi lita og notkun þeirra í umhverfi okkar
Viðfangsefnum sem lúta að samspili umhverfis, ólíkra efna og aðferða
Ferli frá hugmynd að fullunnu verki
Aðferðum við listsköpun úr umhverfinu án þess að skaða það
Sjálfbærni og að finna efnivið í skógi og umhverfi
Mikilvægi þess að sýna öguð og vönduð vinnubrögð í handverki
Sínu nánasta umhverfi og kynnast fjölbreytni náttúrunnar í litum og formi
Ævafornri kunnáttu og verkskilningi á handverki
Umhverfismennt og endurnýtingu efna
Nemandi skal hafa öðlast leikni í að:
Nota hugmyndabók og skrá hugmyndir
Beita sjálfstæðum vinnubrögðum og vera vandvirk í verkefnavinnu
Beita vinnubrögðum tálgutækni
Vinna með efnivið úr náttúrunni
Skipuleggja eigið vinnuferli og gera uppdrætti/skissur að verkefni
Leyfa sér að sitja úti í skógi og tálga í tré og komast þannig í tengsl við náttúru og umhverfi
Nemandi skal geta hagnýtt þá almennu þekkingu og leikni sem hann hefur aflað sér til að:
Nýta hæfni sína í listræna vinnu og sköpun
Sýna frumkvæði að verkefnum og verkefnavali
Beita gagnrýnni og skapandi hugsun og sýna áræðni og frumleika við lausnir vinnu sinnar
Geta unnið á persónulegan hátt með eigin hugmyndir og útfært þær eftir sinni eigin tilfinningu í fallegan nytjahlut, skreytingu eða skúlptúr
Vinna með efni úr nánasta umhverfi
Vera virkur í umræðum um umhverfið og náttúruna
Þroska færni sína og skilning á list og/ eða hönnun
Vera sjálfbær og tileinka sér endurnýtanleg efni í listsköpun
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.